ايەلدەردەن ۇلى سۋرەتشى شىقپاعان دەپ كىم ايتتى؟

 استانا. قازاقپارات - ماريا گراتسيا كيۋريدىڭ Dior ءسان ءۇيى ءۇشىن جاساعان كوكتەمگى جانە جازعى توپتامالارىنداعى جەيدەلەردە «ايەلدەردەن ۇلى سۋرەتشى شىقپاعان دەپ كىم ايتتى؟ » دەگەن جازۋ بار.

 توپتامانىڭ ءوزى دە سونداي سيرەك ەسىمدەردىڭ ءبىرى ەسەپتەلەتىن بەلگىلى فرانسۋز سۋرەتشىسى نيكي دە سەن- فالل شىعارماشىلىعىنا ارنالعان. ءبىر قىزىعى، سۋرەت ونەرى شەبەرى بۇرىن ءدال وسى Dior ءسان ءۇيىنىڭ مودەلى رەتىندە دە تانىلىپ ۇلگەرگەن ەكەن. توپتامانىڭ جارناماسىن ىلگەرىلەتۋ ماقساتىندا كەشە عانا الەۋمەتتىك جەلىلەردە جارىق كورگەن فوتوسۋرەتتەردى تەڭدەسسىز fashion-فوتوگراف پاتريك دەمارشەلە تۇسىرگەن.

 قوسىمشا اقپارات بەرە كەتەيىك، نيكي دە سەن- فالل - تەاتر سۋرەتشىسى ءارى ءمۇسىنشى، جاڭا رەاليزم تولقىنىنىڭ وكىلى. تانىمال ءمۇسىنشى جان تەنگليدىڭ جۇبايى. بۇل جۇپتىڭ ەڭ اتاقتى تۋىندىسى - پاريجدەگى ستراۆينسكيي سۋبۇرقاعى. سۋرەت ونەرىنە قىزىعۋشىلىق تانىتاتىن وقىرماندارىمىز ءۇشىن نيكي دە سەن- فالل ەسىمى تانسىق ونەر الەمىن اشاتىنى انىق.

 

Massaget.kz