نۇرلان قويانبايەۆتىڭ فيلمى دەمالىستا تاپقان تابىسى بويىنشا رەكورد ورناتتى

 استانا. قازاقپارات - كۇلدىرگى ويىندارى ارقىلى تانىلعان نۇرلان قويانبايەۆ بۇگىندە تەلەجۇرگىزۋشى ءارى تابىستى كينوپروديۋسەرگە اينالدى.

2017 -جىلى قويانبايەۆ «بيزنەس پو- كازاحسكي» (قازاقشا ساۋدا) كينوكارتيناسى وتاندىق تابىستى فيلمدەردىڭ كوشىن باستادى. مۇنداي جەتىستىككە جەتەمىن دەپ قويانبايەۆتىڭ ءوزى دە ويلاماعان. تاۋىق جىلىنداعى تابىس 2018 دە ەسەلەنە ءتۇستى. اقپاراتپەن نۇرلان قويانبايەۆ ينستاگرامداعى جەكە پاراقشاسىندا ءبولىستى.

قويانبايەۆ بىرنەشە اي بۇرىن العاشقى فيلمنىڭ جالعاسى رەتىندە «بيزنەس پو- كازاحسكي ۆ امەريكە» تۋىندىسىن تاسپالاعان ەدى. ول ءۇشىن ارنايى ا ق ش- قا بارعان قويانبايەۆ ءبىراز اقشا جۇمساپ، ءتۇسىرىلىم كەزىندە ءبىرتالاي قيىندىقتى باستان كەشكەنىن دە جاسىرمادى. الايدا قالتانى قاققان كينوفيلم العاشقى اپتادا- اق ءوز شىعىنىن اقتاپ، ەلىمىزدە ەڭ كوپ قارالعان كينوفيلمدەر كوشىن باستادى.

 «قازاق كينوسى تاريحتا العاش رەت شەتەلدىك كينولاردان وزىپ، ءبىرىنشى ورىنعا شىقتى! قولداۋلارىڭىزعا كوپ- كوپ راحمەت، قازاق كينوسى جاساي بەرسىن!» -  دەپ ءبولىستى قويانبايەۆ ينستا- پاراقشاسىندا.

قويانبايەۆتىڭ ايتۋىنشا، «بيزنەس پو- كازاحسكي ۆ امەريكە» كينوكارتيناسى تابىسى بويىنشا، ءتىپتى امەريكالىق «دجۋماندجي» جانە رەسەيلىك «ەلكي نوۆىە» فيلمىنەن وزىپ كەتكەن.

سونداي- اق، كينوپروديۋسەر ءارى اكتريسا اسەل ءسادۋاقاسوۆا ءۇشىن دە 2018 ءساتتى باستالدى. جەلتوقساننىڭ سوڭىندا «5 پريچين نە ۆليۋبيتسيا ۆ كازاحا» كومەدياسىن ۇسىنعان اسەل كۇنى كەشە فيلمنىڭ قارجىنى مولىنان تاپقانىن ايتىپ، ءسۇيىنشى سۇرادى.

«بۇگىنگى كۇن اسقار ۇزابايەۆ ەكەۋمىز ءۇشىن كەرەمەت جاڭالىقپەن باستالدى. ءبىزدىڭ فيلم العاشقى دەمالىستا- اق ءوز شىعىنىن اقتادى. كورەرمەنگە قولداۋ مەن ماحاببات ءۇشىن مىڭ العىس! قانشالىقتى باقىتتى ەكەنىمدى سوزبەن ايتىپ جەتكىزە المايمىن» ، - دەيدى اسەل.