جەر بەتىندەگى ەڭ الىپ جىلان اناكوندا ەمەس

 استانا. قازاقپارات - جەر بەتىنەن دينوزاۆورلاردىڭ جويىلىپ كەتكەنىنە ميلليون جىل وتكەننەن كەيىن الىپ جىلاندار كەلدى.

ولار وسىدان 58-60 ميلليون جىل بۇرىن ءومىر ءسۇردى. سولاردىڭ ەڭ الىبى ءارى جەر بەتىندەگى ەڭ ۇلكەن اپ جىلان -  تيتانوبوا. ونىڭ ۇزىندىعى -  15 مەتر، سالماعى 1 تونناعا جەتكەن. تيتانوبوانىڭ سالماعى جانە ونىڭ ءىرى بولۋىنا سول كەزدەگى ءومىر ءسۇرۋ كليماتى اسەر ەتۋى مۇمكىن. سەبەبى جىلى ءارى قولايلى اۋا رايى جىرتقىش ءۇشىن جەمتىگىن تابۋعا ىڭعايلى.

 زەرتتەۋشىلەر وسى قورىتىندىعا كەلە وتىرىپ، تيتانوبوانىڭ جەمتىگىن تالعاماي جەگەنىن جانە ونىڭ جەر بەتىندەگى ەڭ الىپ جىرتقىش جىلان ەكەنىن راستاپ وتىر. سۋرەتتە قازىرگى قاراپايىم جىلان مەن تيتانوبوا جىلانىنىڭ ومىرتقاسى كانادا مەن ا ق ش زوولوگتارى زەرتتەۋ جاساپ، اپ جىلاننىڭ ۇزىندىعى 13-15 مەتر، سالماعى 1 توننا ەكەنىن تاعى ءبىر دالەلدەدى.

وسى ۋاقىتقا دەيىن جىلان رەتىندە اناكوندا مەن پيتون جەر بەتىندەگى ەڭ الىپ سانالىپ كەلگەن. ماسەلەن پيتوننىڭ ۇزىندىعى -  8,7 مەتر. ال ەڭ كىشكەنە Leptotyphlops دەپ اتالاتىن جىلاننىڭ ۇزىندىعى -  10 س م. 2012 -جىلى 22 - ناۋرىز كۇنى ۇزىندىعى 14 مەتر بولاتىن تيتانوبوانىڭ سۇيەكتەن جاسالعان ماكەتى نيۋ- يوركتىڭ ورتالىق ۆوكزالىندا تانىستىرىلدى.

Massaget.kz