قانات يسلام قارسىلاسى ۆەرامەن بولاتىن ايقاستان باس تارتقان جوق
بوكسشىنىڭ كومانداسى وتانداسىمىزدىڭ جەكپە- جەككە دايىندالىپ جاتقانىن ايتا كەلىپ، بۇل كۇندە كەلىسسوزدەردىڭ ءجۇرىپ جاتقانى جانە قانات جەكپە- جەكتەن باس تارتتى دەگەن اقپاراتتىڭ شىندىققا جاناسپايتىندىعىن مالىمدەدى.
«ءبىز تەك كەلىسسوز جۇمىستارى ءجۇرىپ جاتقانىن عانا بىلەمىز. ءوزىمىز كوپتەن كۇتكەن الەم چەمپيونى اتاعىنا جاقىنداتاتىن بۇل ايقاستان قالاي باس تارتامىز؟ قانات يسلام بۇل جەكپە- جەكتەن باس تارتقان جوق. بۇل اقپارات قايدان شىققانىن انىقتايمىز»- ، دەپ جازىلعان مالىمدەمەدە.
ايتا كەتەيىك، بۇعان دەيىن وتاندىق ب ا ق- تاردا قانات يسلامنىڭ ۆەرامەن بولاتىن كەزدەسۋدەن باس تارتقانى تۋرالى حابارلانعان بولاتىن.
ەسكە سالا كەتەيىك، WBA قاۋىمداستى 21 - قاراشادا قانات يسلامنىڭ مىندەتتى قارسىلاسى رەتىندە امەريكالىق جون ۆەرانى بەلگىلەدى. جەكپە- جەكتى ۇيىمداستىرۋعا ەكى بوكسشىنىڭ كومانداسىنا 30 كۇن ۋاقىت بەرىلىپ، جەڭگەنى WBA چەميونى ەريسلاندي لارانىڭ (25-2-2, 14 ك و) مىندەتتى قارسىلاسى اتانۋعا مۇمكىندىك الادى.
اۆتور: مۇحتار قاليموللا ۇلى
