زاڭسىز ءدىني ۋاعىز تاراتقان پەتروپاۆل تۇرعىندارىنا ايىپپۇل سالىندى

پەتروپاۆل. قازاقپارات - سولتۇستىك قازاقستان وبلىسى ءى ءى د ەكسترەميزمگە قارسى ءىس- قيمىل باسقارماسىنىڭ قىزمەتكەرلەرى وتكەن جىلى دىنگە قاتىستى 20 اكىمشىلىك قۇقىق بۇزۋشىلىقتى انىقتادى،

 دەپ حابارلايدى «قازاقپارات» ح ا ا ءتىلشىسى س ق و ءى ءى د باسپا ءسوز قىزمەتىنە سىلتەمە جاساپ.

 جالپى سوماسى 2 ميلليون تەڭگەنى قۇرايتىن 50 دەن 300 ا ە ك شاماسىندا 13 ادامعا ايىپپۇل سالىندى. مىسالى، پەتروپاۆل قالاسىنىڭ ەكى تۇرعىنى ەشقانداي تىركەۋسىز ءدىندى ۋاعىزداۋ جۇمىستارىمەن اينالىسقان.

 «سوت شەشىمىمەن ولار كىنالى دەپ تانىلىپ 100 ا ە ك اكىمشىلىك ايىپپۇلعا تارتىلدى. اكىمشىلىك ءوندىرىس ماتەريالدارى كورسەتكەندەي، ولار «يەگوۆا كۋاگەرلەرى» ۇيىمىنىڭ اتىنان پاتەر ارالاپ، تۇرعىندارعا ءدىني ۋاعىز تاراتقان»، دەپ جازىلعان باسپا ءسوز قىزمەتى تاراتقان حابارلامادا.

س ق و ءى ءى د ەكسترەميزمگە قارسى ءىس- قيمىل باسقارماسىنىڭ باسشىسى رۋسلان مۇحامبەتجانوۆتىڭ ايتۋىنشا، مۇنداي رەيدتەر ءجيى ءوتىپ تۇرادى.