اتاقتى «قۇپيا ماتەريالدار» تەلەحيكاياسىنىڭ جاڭا كەزەڭى باستالدى

استانا. قازاقپارات - اگەنتتەر فوكس مالدەر مەن دانا سكاللي تۋرالى تانىمال تەلەحيكايانىڭ جاڭا 11-كەزەڭى ون بولىمنەن تۇرادى. سۇيىكتى كەيىپكەرلەرىمەن كوزايىم بولىسقان كورەرمەندەردى بۇل جولى ءتىپتى بوگدە پلانەتالىقتەرمەن كەزدەسۋ كۇتىپ تۇر ەكەن.

  سونداي- اق بۇل كەزەڭدە ءتۇرلى ۇكىمەتتەردىڭ ءوزارا بايلاسقان قۇپيا كەلىسىمدەرى اشكەرە بولادى. جالپى بۇل 10 ءبولىمنىڭ باستى سيۋجەتى بويىنشا قىراعى دا قايسار اگەنتتەر جەر پلانەتاسىن جايلاپ بارا جاتقان اسا قاۋىپتى ۆيرۋسپەن كۇرەس جۇرگىزەتىن بولادى. ادامزات تىرشىلىك ەتەتىن جەر- جاھاننىڭ تىنىشتىعىن قورعاۋشى ساقشىلاردىڭ ءرولىن بۇل جولى دا اكتەرلەر دەۆيد دۋحوۆنى مەن تەڭدەسسىز دجيلليان اندەرسون سومدادى. ايتا كەتۋ كەرەك، X- Files تەلەحيكاياسىنىڭ جاڭا كەزەڭىنىڭ پرەمەراسى Fox ارناسىندا كورسەتىلدى.

www.24.kz