ا ق ش پاكىستانعا اقشالاي قارجى ءبولۋىن توقتاتتى
استانا. قازاقپارات - ا ق ش بيلىگى پاكىستانعا قاۋىپسىزدىك سالاسىنا بولىنەتىن قارجىلاي كومەك كورسەتۋدى توقتاتتى. بۇل مەملەكەتتىڭ لاڭكەستىك ۇيىمدارمەن جەتكىلىكتى تۇردە كۇرەس جۇرگىزبەۋىنە جاۋاپ رەتىندە قابىلدانعان شارا.
ءبىراق امەريكاندىقتار رەسمي يسلاماباد وسى باعىتتاعى ۇستانىمىن وزگەرتسە، ءتيىستى شەشىم قايتا قاراستىرىلۋى مۇمكىن ەكەنىن ايتىپ وتىر.
حەزەر ناۋەرت، ا ق ش مەملەكەتتىك دەپارتامەنتىنىڭ رەسمي وكىلى:
- تاليبان جانە حاككاني قوزعالىسىنىڭ سودىرلارى وڭىردەگى جاعدايدى شيەلەنىستىرىپ، ا ق ش قىزمەتكەرلەرىنە قارسى ارەكەت ەتەدى. سوندىقتان پاكىستان بيلىگى ولارمەن كۇرەس جۇرگىزۋ باعىتىندا ناقتى قادامدارعا كوشۋ كەرەك. ال، وعانعا دەيىن ا ق ش قاۋىپسىزدىك سالاسىنا قارجى بولمەيدى.
بۇعان دەيىن ا ق ش پرەزيدەنتى قارجىلاي كومەك بەرۋدى توقتاتۋ مۇمكىندىگى جايلى تۆيتتەردەگى پاراقشاسىندا جازعان بولاتىن. اق ءۇي باسشىسى پاكىستان بيلىگىن «اۋعانستاننان كەلگەن سودىرلاردى جاسىرىپ، لاڭكەستىككە قولداۋ كورسەتتى» دەپ ايىپتاعان. سونداي- اق دونالد ترامپ سوڭعى 15 جىلدا امەريكاندىقتار يسلامابادقا 33 ميلليارد دوللار قارجى بولگەنىن دە ەسكە سالعان بولاتىن. بۇل مالىمدەمە پاكىستاندىقتاردىڭ جاپپاي نارازىلىعىن تۋدىردى.
www.24.kz
