13:59, 05 - قاڭتار 2018 | GMT +5
تەاتر ديرەكتورى ەرلان ءبىلال پارا الىپ جاتقان جەرىنەن ۇستالدى
الماتى. قازاقپارات - الماتىدا م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى، بەلگىلى اكتەر ەرلان ءبىلال 1,5 ميلليون تەڭگە كولەمىندە پارا الىپ جاتقان جەرىنەن ۇستالدى، دەپ حابارلايدى قازاقپارات ءتىلشىسى.
الەۋمەتتىك جەلىدە تارالعان اقپاراتقا قاتىستى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى راستادى.
«بۇل قاراجاتتى لاۋازىمدى تۇلعا تەاتر بازاسىندا بالالارعا ارنالعان قويىلىم قويۋعا عيماراتتى جالعا بەرۋ ءۇشىن زاڭدى تۇلعادان العان»، - دەدى اگەنتتىكتىڭ رەسمي وكىلى نۇرلان جاحين.
ەرلان ءبىلال كىناسىن تولىق مويىنداعاندىقتان، قاماۋعا الىنبادى.
قازىر بۇل دەرەككە قاتىستى تەرگەۋ جۇرگىزىلىپ جاتىر.
