شىمكەنتتە قاتتى داۋىل كەزىندە ەكى ۇشاق سوقتىعىسىپ قالدى

استانا. قازاقپارات - قاتتى داۋىل كەزىندە شىمكەنت اۋەجايىنىڭ تۇراعىنداعى وقۋ-جاتتىعۋ ۇشاقتارىنا زاقىم كەلدى، دەپ حابارلايدى قازاقپارات ق ر ي د م ازاماتتىق اۆياتسيا كوميتەتىنە سىلتەمە جاساپ.

«2017-جىلدىڭ 27-جەلتوقسانى كۇنى شىمكەنت قالاسىنىڭ اۋەجايىنداعى ارنايى تۇراقتا تۇرعان «Training center Part FCL»  ج ش س- نا تيەسىلى تىركەۋ نومىرلەرى UP- CS018 جانە UP- CS019 Cessna-172 ۇشاقتارىندا وقىس وقيعا بولدى. ۇشاقتاردىڭ باعىتتاۋ قۇرالى مەن قاناتتارىنا زاقىم كەلگەن. جىبەرىلگەن راديوحابارلاماعا سايكەس، تۇراقتاعى ۇشاقتاردىڭ سوقتىعىسۋىنا قاتتى داۋىلدى جەل مەن ولاردىڭ ءبىر-بىرىنە وتە جاقىن ورنالاسۋى سەبەپ بولعان»، - دەلىنگەن كوميتەتتىڭ فەيسبۋكتەگى پاراقشاسىندا.

ايتا كەتۋ كەرەك، ق ر ي د م ازاماتتىق اۆياتسيا كوميتەتى 25- جەلتوقسانى كۇنى اتالعان ۇشاقتارعا شىمكەنت-الماتى باعىتى بويىنشا ءبىر رەت ۇشۋعا رۇقسات بەرگەن.

ەسكە سالا كەتسەك، «Training center Part FCL» ج ش س- ى وقۋ-جاتتىعۋ ورتالىعى اكسيالارىنىڭ %9 ى «ازاماتتىق اۆياتسيا اكادەمياسى» ا ق قاراستى. مۇنىڭ الدىندا «Training center Part FCL» ج ش س- ى ۇشاقتارى اۋە وقيعالارىنىڭ ورىن الۋىنا بايلانىستى اۋە كومپانياسى ۇشاقتارىنىڭ ۇشۋىنا شەكتەۋ قويىلعان بولاتىن.