قىسقى وليمپيادا ويىندارىنا بارۋ قازاقستاندىقتار ءۇشىن قانشاعا تۇسەدى
اقپاننىڭ 8-17 ارالىعىندا وڭتۇستىك كورەيانىڭ كاننىن قالاسىندا قوناق ۇيدەگى ەكى كىسىلىك ورىندا ءبىر ادام ءۇشىن 4440 ا ق ش دوللاردان باستالادى. ءبىر كىسىلىك ورىن ءۇشىن 6465 ا ق ش دوللارلىق سوما تولەۋ كەرەك. كورسەتىلەتىن قىزمەت توپتاماسىنا شارانىڭ اشىلۋ سالتاناتى مەن سايىستىڭ بەس ءتۇرىن (بياتلون، فريستايل، شورت-ترەك جانە تاعى ەكى سپورتتىڭ ءتۇرى) تاماشالاۋ كىرەدى.
ال اقپاننىڭ 17-26 ارالىعىندا كاننىن قالاسىندا ەكى كىسىلىك ورىنعا ءبىر ادامنىڭ ورنالاسۋ باعاسى 4340 ا ق ش دوللارىنا جەتسە، ءبىر كىسىلىك ورىن 6365 ا ق ش دوللاردان باستالادى. كورسەتىلەتىن قىزمەت توپتاماسىنا شارانىڭ جابىلۋ سالتاناتى مەن سايىستىڭ بەس ءتۇرىن (شاڭعى سپورتى، ترامپليننەن سەكىرۋ، شورت-ترەك جانە تاعى ەكى سپورتتىڭ ءتۇرى) تاماشالاۋ كىرەدى.
توپتاماعا سونىمەن بىرگە اۋەجاي مەن قوناق ۇيدەگى ترانسفەر مەن مەديتسينالىق ساقتاندىرۋ ەنگەلى وتىر. بۇعان قوسا كورسەتىلەتىن قىزمەت بويىنشا قوسىمشا الماتى-سەۋل-الماتى، استانا-سەۋل-استانا اۆياباعىتىنىڭ بيلەتتەرى (242 مىڭ تەڭگە، ءبىراق برونداۋ كەزىندە بيلەت باعاسىن ناقتىلاپ العان ءجون) تولەنەدى.
اۆتور: ايان بەكەن ۇلى
