ادامنىڭ جازۋى ءوزى تۋرالى نە ايتادى؟
قول قويۋ تۋرالى عىلىم ءتىپتى ادامنىڭ كوڭىل- كۇيىن انىقتاۋعا مۇمكىندىك بەرەدى ەكەن.
ادامنىڭ تۇلعاسىن تانۋ ءۇشىن بىرنەشە كەزەڭنەن ءوتۋ كەرەك. ول ءۇشىن كەز كەلگەن ادامنان الدەنە جازۋدى ءوتىنىڭىز. ەڭ الدىمەن ارىپتەردىڭ ورنالاسۋى مەن ولشەمىنە نازار اۋدارىڭىز. تياناقتى ادامنىڭ جازۋى ۇساق كەلەدى.
ال جازۋى ءىرى ادامدار اشىق، اڭقاۋ، جۇمساق كەلەدى. ارىپتەر ءبىر بىرىنە سىعىلىسىپ جازىلسا بۇل ادامنىڭ يكەمدى ەكەنىن بىلدىرەدى. كوسىلىپ جازىلعان جازۋ اقجارقىن ادامعا مەڭزەيدى. جازۋى تۇسىنىكسىز ادامدار قۇپيا، تۇيىق كەلەدى، سونداي- اق مۇنداي جازۋ ەموتسيونالدى داعدارىستا جۇرگەندەرگە ءتان.
ارىپتەر
ەگەر باس ارىپتەردىڭ ولشەمى كىشكەنتاي ارىپتەردەن اجەپتاۋىر ۇلكەن بولسا بۇل ادام وزىنە دە، وزگەلەرگە دە تالاپشىل دەگەن ءسوز. ال باس ارىپتەردىڭ ولشەمى كىشكەنتاي ارىپتەردەن كوپ ۇلكەن بولماسا بۇل ادام قاراپايىم. كالليگرافيالىق جازۋمەن باسقالاردىڭ ىقپالىنا كوپ تۇسكەن، وزىندىك پىكىرى جوق ادامدار جازادى.
ەگەر جازۋلار سولعا قاراي ءسال ەڭكىش بولسا ادامنىڭ وزىمشىلدىگىن بىلدىرەدى. ول ادام ءۇشىن ەڭ ءبىرىنشى ءوزىنىڭ مۇددەسى مەن قىزىعۋشىلىقتارى تۇرادى. نەعۇرلىم ەڭكىش بولسا ادام سوعۇرلىم ەگويست. وزگەلەردىڭ پىكىرىمەن ساناسپايدى. ال ارىپتەر وڭعا قاراي ەڭكىش بولسا يەسىنىڭ ماقساتقا جۇمىس ىستەيتىنىن، امبيتسياسى زورت ەكەنىن بىلدىرەدى. ال تىك جازۋ ادامنىڭ بىربەتكەيلىگىنەن حابار بەرەدى.
جولدار
وپتيميست ادامداردىڭ جازۋى جولدا جوعارى كوتەرىلىپ شىعادى. ولاردىڭ وزىنە دەگەن باعالارى جوعارى. ال تومەنگە قاراي كەتكەن جازۋ ادامنىڭ تەك جامان نارسەلەردى كورەتىنىن بىلدىرەدى. ول ادام كوبىنەسە ءوزىنىڭ مۇمكىندىكتەرىن كورە بەرمەيدى. ال قالىپقا سىيمايتىن، جەڭىل ويلى ادام تولقىندى جازۋمەن جازادى.
ال تىك، تۋرا جازاتىن ادامدار وبەكتيۆتى، سارالاعاشى كەلەدى.
ەگەر ادامنىڭ قويعان قولى شيىرلانىپ كەلسە ول ادام شىعارماشىل جان دەگەن ءسوز. ال قۇپيا، تۇيىق ادامنىڭ قولى قورشالىپ قويىلادى. ال استى سىزىلعان قولدار، قاسىنا سىزىقشا قويىلعان قولدار مىقتى ادامدارعا ءتان. ال شيمايلانعان قول ادامدا ەنەرگيانىڭ كوپ ەكەنىن بىلدىرەدى.
دەرەككوز: domashniy.ru
