رۋحاني جاڭعىرۋ: ەرتىس وڭىرىندە جاڭا جوبا باستاۋ الدى

استانا. قازاقپارات - ەرتىس وڭىرىندە «رۋحاني جاڭعىرۋ» باعدارلاماسى اياسىندا تۇڭعىش رەت «ەرتىس Star» جوباسى قولعا الىندى، دەپ حابارلايدى pavlodarnews.

بۇل تۋرالى اگەنتتىككە وبلىستىق مادەنيەت، ارحيۆتەر جانە قۇجاتتاما باسقارماسىنىڭ باسشىسى ارداق رايىمبەكوۆ ايتتى.

«2017-جىلى 22-جەلتوقسان كۇنى العاش رەت جوبانىڭ اشىلۋى ۋسپەن اۋدانىنىڭ توبىلجان اۋىلىندا ءوتتى. مۇندا بارلىعى 35 ادام ىرىكتەلدى. ولاردىڭ اراسىندا 23 جاستاعى اۋىل تۇرعىنى اسقار دۇيسەكەيەۆ پەن 13 جاستاعى وقۋشى سابرينا دوستوۆا ەسترادا جانرىندا جانە دومبىرامەن حالىق ءانىن ورىنداعان مادەنيەت ءۇيىنىڭ جاس مامانى جاۋىن قۇنانباي ەرەكشە كوزگە ءتۇستى»، - دەيدى ارداق رايىمبەكوۆ.

بايقاۋعا بويىندا تالانتى بار 12-29 جاس ارالىعىنداعى كەز كەلگەن جاس قاتىسا الادى. ءان، كۇي، مۋزىكا، ءبي جانە باسقا جانرداعى دارىن يەلەرىن ايقىندايتىن وبلىستىق «ەرتىسstar»  جوباسى وڭىردەگى بارلىق اۋداندار مەن ءۇش قالانى قامتيدى.