ەرلان ىدىرىسوۆ: استانا - اتاققۇمارلىقتىڭ جوباسى ەمەس
ول حاتتا قازاقستاننىڭ جاڭا استاناسىن ەل ورتالىعىنان سالۋ تۋرالى شەشىم 1997 - جىلى قاۋىپسىزدىكتى قامتاماسىز ەتۋ ماقساتىندا عانا قابىلدانعانىن ايتتى. «الماتى سەيسمولوگيالىق بەلسەندى ايماقتا، ەلدىڭ شىعىس شەكاراسىنا جاقىن جەردە ورنالاسقان. جاڭا ەلوردا - استانانىڭ سالىنۋى تاۋەلسىز قازاقستانعا ءوزىنىڭ كەڭەستىك جۇيەدەن قول ۇزۋگە مۇمكىندىك بەردى. ول كەزدە قازاقستان ستاليننىڭ ساياسي تۇتقىندار مەن تۇتاس حالىقتاردى كوشىرەتىن «ءۇيىندى» دەپ سانالدى، كەيىننەن «قىرعي قاباق سوعىس» كەزىندە يادرولىق قارۋ سىناقتارىن وتكىزەتىن ايماققا اينالدىرىلدى».
1999 -جىلى استانا حالقىنىڭ سانى 281 مىڭ بولعان. 2007 -جىلى قالا تۇرعىندارىنىڭ سانى 600000-عا جەتتى. بۇگىنگى تاڭدا ەلوردادا ءبىر ميلليوننان استام ادام تۇرادى. قالا قارقىنمەن دامىپ كەلەدى. وندا، وزگەنى قويا تۇرعاندا، ۋلترازاماناۋي، ءزاۋلىم وپەرا جانە بالەت تەاترى بار. ول اتاققۇمارلىقتىڭ جوباسى ەمەس، دەدى ەلشى ەرلان ىدىرىسوۆ. قازاقستاندىقتار پرەزيدەنت نۇرسۇلتان نازاربايەۆ باسشىلىعىمەن قول جەتكىزگەن اسا زور جەتىستىكتەردى ماقتان تۇتادى. سونداي- اق قالا ونىڭ جەكە باسىنا تابىنۋشىلىقتىڭ اياسىندا قالىپ قويدى دەگەن ءسوز دە - ابسۋرد. ولاي بولسا، لوندونداعى پارلامەنت الاڭىنداعى سەر ۋينستون چەرچيللگە قويىلعان ەسكەرتكىشتەن دە وسىنداي قورىتىندى شىعارۋعا بولادى.
«استانا - قازاقستاننىڭ بولاشاق الەۋەتىنىڭ ناعىز ۇلگىسى. استاناداعى ەكسپو-2017 كورمەسىنە 115 مەملەكەت، 22 حالىقارالىق ۇيىم قاتىسىپ، ءتورت ميلليوننان استام ادام اسا وزەكتى «بولاشاق ەنەرگياسى» تاقىرىبى اياسىنداعى شاراعا جينالدى. وقىرماندارىڭىز دا استاناعا بارىپ، دالا توسىنەن بوي كوتەرگەن كەرەمەت قالادان اسەرلەرىن بولىسۋگە اسىعادى دەپ سەنەمىن»، - دەلىنگەن حابارلامادا.
