بيلل مەن حيللاري كلينتوننىڭ ۇيلەرى ورتەندى

 استانا. قازاقپارات - كوپتەگەن دەرەككوزى نيۋ- يورك شتاتىنىڭ چاپپاكۆا قالاشىعىندا ورنالاسقان بيلل مەن حيللاري كليونتوننىڭ ۇيلەرىنىڭ ورتەنگەنىن راستادى.

 وقىس وقيعا ورنىنا ءورت سوندىرۋشىلەر شاقىرىلعان، دەپ حابارلايدى Baq.kz اقپارات اگەنتتىگى «كومسومولسكايا پراۆدا» باسىلىمىنا سىلتەمە جاساپ.

ءدال قازىر ءورتتىڭ نەدەن شىققانى انىقتالىپ جاتىر. ۇيدەن ءورت شىققان كەزدە كلينتوندەر جۇبى نيۋ- يوركتە بولماعان. اتالعان تۇرعىن ءۇيدى 1999 - جىلى بيلل كلينتون اق ۇيدەن كەتكەن سوڭ 1,7 ميلليون دوللارعا ساتىپ الدى. قازىر ونىڭ باعاسى - 2,5 ميلليون دوللار. وتكەن جىلى كلينتوندار كورشىلەرىنەن 4 بولمەلى پاتەر ساتىپ الۋ ارقىلى ۇيلەرىن كەڭەيتتى.

چاپپاكۆا نيۋ- يوركتەن 35 ميليا قاشىقتىقتا ورنالاسقان. ول جەردەن بيلل كلينتوننىڭ مانحەتتەننىڭ وڭتۇستىك بولىگىندە ورنالاسقان كەڭسەسىنە وڭاي بارۋعا بولادى.