13:08, 04 - قاڭتار 2018 | GMT +5
الەمدەگى ەڭ قىمبات اراق بوتەلكەسى ۇرلاندى
استانا. قازاقپارات - باعاسى 1,3 ميلليون دوللار تۇراتىن بوتەلكە دانيانىڭ كوپەنگاگەن قالاسىنداعى «كافە 33» بارىنان ۇرلانعان.
بۇل تۋرالى اتالعان باردىڭ يەسى بريان ينگبەرگ TV-2 تەلەارناسىنا ايتقان.
اراقتار كوللەكتسياسىمەن اينالىساتىن بريان ينگبەرگتىڭ ايتۋىنشا، ۇرى ءۇش مينۋتتىڭ ىشىندە عيماراتقا كىرىپ، التىن مەن كۇمىستەن جاسالعان سالماعى التى كەلى تۇراتىن «رۋسسو-بالت» اراعىنىڭ بوتەلكەسىن الىپ كەتكەن.
«بۇل الەمدەگى ەڭ قىمبات اراقتىڭ بوتەلكەسى، مەنىڭ 1200 اراق بوتەلكەسىنەن تۇراتىن كوللەكتسيامنىڭ جاۋھارى بولاتىن»، - دەدى جۋرناليستەرگە كوللەكتسيونەر.
ۇرلانعان بوتەلكە اق، قىزعىلت جانە سارى التىننان جاسالىپتى. بوتەلكەنى دايىنداۋشى كومپانيا ىدىستىڭ قۇرامىنا گاۋھار قوسىلعانىن دا ايتقان.
