قاڭتاردا كاسىپقوي بوكسشىلاردان كىمدەر جۇدىرىقتاسادى؟

استانا. قازاقپارات - كاسىپقوي بوكسشىلاردان قاڭتار ايىندا كىمدەردىڭ جۇدىرىقتاساتىنى بەلگىلى بولدى، دەپ حابارلايدى قازاقپارات.

قاڭتار ايىندا بىرنەشە قازاقستاندىق بوكسشى كەزەكتى جەكپە-جەكتەرىن وتكىزەدى.

ولار:

باقتيار ەيۋبوۆ (قازاقستان) - موريس چالمەرس (ا ق ش)، 12- قاڭتار.

باقتيار ەيۋبوۆ قازىرگە دەيىن 13 جەكپە-جەك وتكىزىپ، بارلىعىندا جەڭىسكە جەتتى. ونىڭ 11 ءىن مەرزىمىنەن بۇرىن اياقتاعان. قوس بوكسشى ا ق ش- تا ءبىرىنشى جارتىلاي جەڭىل سالماقتا جۇدىرىقتاسادى. جەكپە-جەك 6 راۋندقا جوسپارلانعان.

ماديار جانۇزاق (قازاقستان) - دجون مارك الەمان (فيليپپين)، 18- قاڭتار.

ماديار جانۇزاق وسىعان دەيىن ءۇش كەزدەسۋ وتكىزىپ بارلىعىندا جەڭىسكە جەتتى. بوكسشىلار سانكت-پەتەربۋرگتە جۇدىرىقتاسادى. جەكپە-جەك 10 راۋندقا جوسپارلانعان.

ارمان رىسبەك (قازاقستان) - ەشتون سايكس (ا ق ش)، 27- قاڭتار.

وتانداسىمىز 27- قاڭتاردا ا ق ش- تا كاسىپقوي بوكستاعى العاشقى ايقاسىنا شىعادى. جەكپە-جەك 4 راۋندقا جوسپارلانعان. كەزدەسۋ ەكىنشى ورتا سالماقتا (76,2 كەلى - 168 فۋنت) وتەدى.

اۆتور: كۇنسۇلتان وتارباي