يرانداعى ەرەۋىلدەردىڭ سالدارى قانداي بولماق - ساراپشى پىكىرى
وسىعان وراي ق ر تۇڭعىش پرەزيدەنتى - ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ جەتەكشى ساراپشىسى جاقسىلىق ءسابيتوۆ يرانداعى جاعدايدىڭ ارى قاراي قالاي ءوربيتىنى تۋرالى ويىن ورتاعا سالدى، دەپ حابارلايدى Baq.kz اقپارات اگەنتتىگى.
ونىڭ ايتۋىنا قاراعاندا، اتالعان ەرەۋىلدى يراننىڭ باسقارۋشى ەليتاسىنىڭ قۇرامىنداعى وپپوزيتسيالىق توپ ۇيىمداستىرىپ، ءبىراق، نارازىلىق شاراسىن باقىلاۋدا ۇستاي الماي قالعانىن ايتادى.
«باستاپقىدا نارازىلىققا تازا ەكونوميكالىق جاعداي سەبەپكەر ەدى. كوشەدە ايتىلعان باستى ۇران «قىمبات باعالار جويىلسىن!» بولاتىن. الايدا، كەيىننەن بۇل نارازىلىق اكتسياسىنا وپپوزيتسيا دا قوسىلدى. ناتيجەسىندە، ەرەۋىلشىلەردى قازىر ەكى توپقا ءبولىپ قاراۋعا بولادى: ءبىرىنشى توپ ەكونوميكالىق جاعدايعا نارازىلار، ەكىنشىسى - 2009 - جىلى ەرەۋىلگە شاققاندار، ياعني، قازىرگى بيلىككە قارسى توپ. نارازى توپتىڭ باستى ۇرانى «گازا دا، ليۆان دا ەمەس، مەنىڭ ءومىرىم - يران» . دەمەك، يران ازاماتتارى سالىقتان تۇسكەن قىرۋار قارجىنىڭ ەل بيلىگىنىڭ سىرتقى ساياسي اسكەري باعدارلامالارعا جۇمسالاتىنىنا نارازى. بۇل ءوز كەزەگىندە يراندىقتاردىڭ ءومىر ءسۇرۋ ساپاسىنا اسەر ەتەدى» ، - دەيدى ءسابيتوۆ.
ءسابيتوۆتىڭ پىكىرىنشە، يراننىڭ پالەستينا، يەمەن، ليۆان، سيرياداعى سىرتقى ساياسي مۇددەسىن قارجىلاندىرۋعا قارسى نارازىلىق بۇدان كەيىن دە ۇلعايا بەرەتىن بولادى.
«ەل دامۋىنىڭ باسىم باعىتتارىن قايتا قاراماي، يراننىڭ تۇراقتىلىعى تۋرالى ءسوز قوزعاۋعا بولماس. يراننىڭ باسقارۋشى ەليتاسى تاراپىنان ك ۆ و- مارتەبەسىن ساقتاۋ، بۇل نارازىلىق شارالارىن باسقاننان كەيىن دە ەداۋىر ۇلكەن ساياسي داعدارىسقا الىپ كەلۋى مۇمكىن. جاعدايدى تۇراقتاندىرۋ ءۇشىن يراننىڭ باسقارۋشى تابىنا ءوز رەسۋرستارىن قايتا ءبولۋدى قاراستىرۋ كەرەك: ءوز ەلىنىڭ ازاماتتارىنا قاجەتتى ەمەس سىرتقى ساياسي باعدارلامالاردى قارجىلاندىرۋدى دوعارىپ، ەلدىڭ الەۋمەتتىك- ەكونوميكالىق جاعدايىن جاقسارتۋى شارت» ، - دەپ سانايدى ءسابيتوۆ.
ول، سونداي- اق، قازىرگى تاڭدا قاقتىعىس سالدارىنان جيىرمادان استام ادام قازا تاپقانىن دا اتاپ ءوتتى. قازا تاپقاندار سانى ءالى دە وسە مە جانە نارازىلىق شاراسىن قالاي توقتاتۋ كەرەكتىگى تۋرالى ايتۋ قيىن. بۇل، ساراپشى پىكىرىنشە، يراننىڭ قازىرگى ساياسي ەليتاسىنىڭ نارازى توپپەن بەيبىت كەلىسىمگە قانشالىقتى دايىن ەكەندىگىنە بايلانىستى.
