اليك شپەكبايەۆ فەيسبۋكتەگى پاراقشاسىنا كەلگەن حاتتارعا جاۋاپ بەرىپ جاتىر
دەپ حابارلايدى «قازاقپارات» ح ا ا ءتىلشىسى.
«دوستار، مەنىڭ العاشقى جازباما قولداۋ ءبىلدىرىپ جاتقاندارىڭىز ءۇشىن العىس ايتامىن. 5 كۇننىڭ ىشىندە ماعان 2 مىڭنان استام ادام جازىلىپ، 100-دەن استام حات كەلدى. حاتتاردىڭ كوبىندە ناقتى ساۋالدار قويىلعان جانە ءبىزدىڭ اگەنتتىكتىڭ مىندەتىنەن تىس ماسەلەلەر دە كوتەرىلگەن. ولاردىڭ كەيبىرى قوسىمشا زەرتتەۋدى قاجەت ەتەدى، ءبىزدىڭ ماماندار ول سۇراقتارمەن قازىردىڭ وزىندە اينالىسۋدا. جەكە ساۋالدارعا جىلدام جاۋاپ بەرۋ مۇمكىندىگى تۋىپ وتىر. حاتتار قارالىمىنىڭ قورىتىندىلارى سىزدەرگە جىبەرىلەتىن بولادى»، - دەپ جازدى ە. شپەكبايەۆ ءوزىنىڭ فەيسبۋكتەگى پاراقشاسىنا.
ول سونىمەن قاتار اگەنتتىككە جۇمىسقا تۇرعىسى كەلەتىندەردەن كوپتەگەن حاتتار كەلگەنىن، اگەنتتىككە قىزمەتكە ورنالاسقىسى كەلەتىن ادام جالپى بايقاۋ اياسىندا عانا ىرىكتەۋدەن وتە الاتىنىن ايتادى.
«سىزدەردەن سۇرايتىنىم، حات جازعاندا بارىنشا جاۋاپكەرشىلىك تانىتقاندارىڭىز قاجەت. كىم، قايدا، قاشان، قانداي جاعدايدا دەگەن سياقتى ناقتى فاكتىلەردى كورسەتۋىڭىز قاجەت. مۇنداي جاعدايدا كەز كەلگەن اقپارات ارتىق بولمايدى. ناقتى فاكتىلەرمەن بەتپە- بەت كەلىپ قالساڭىز ساۋالىڭىزدى مەنىڭ جەكە ەلەكتروندىق مەكەنجايىما alik.shpekbaev@gmail.com جىبەرىڭىز»، - دەپ جازادى اگەنتتىك باسشىسى.
