ءتاج- ماحالعا كەلۋشىلەرگە شەكتەۋ قويىلادى

 استانا. قازاقپارات - ءۇندى بيلىگى الەمدەگى ەڭ تانىمال ساۋلەت عيماراتى ءتاج- ماحالعا كىرۋگە شەكتەۋ قويۋدى جوسپارلاپ وتىر.

 بۇل تۋرالى South China Morning Post جازادى، دەپ حابارلايدى  baq.kz.

بۇل شارا تاريحي ەسكەرتكىشتىڭ جاقسى ساقتالۋى ءۇشىن قولعا الىنادى. اگرا قالاسىندا ورنالاسقان مۇرا اق ءمارماردان سالىنعان. 2016 -جىلى وعان 6,5 ميلليوننان اسا ادام كىرگەن. ولاردىڭ كوپشىلىگى - ۇندىلەر.

ەگەر نورماتيۆتىك اكتىنىڭ جوباسى بەكىتىلسە، وندا ءتاج- ماحالعا كۇنىنە 40 مىڭ ادام عانا كىرە الادى.  قازىر دەمالىس جانە مەرەكە كۇندەرى 70 مىڭ ادامعا دەيىن كەلەدى. ءبىراق شەتەلدەن كەلگەن تۋريستەرگە شەكتەۋ قويىلماۋى مۇمكىن. شەتەلدىكتەر كەسەنەگە كىرۋ ءۇشىن 1000 رۋپي، ال ءۇندىستانداقتار 40 رۋپي تولەيدى.