پاكىستاندىقتار د. ترامپ مالىمدەمەسىنە قارسى ەرەۋىلگە شىقتى

استانا. قازاقپارات - پاكىستاندا ا ق ش بيلىگىنىڭ مالىمدەمەسىنە قاتىستى ەرەۋىلدەر بەلەڭ الدى. جيىلعان جۇرت دونالد ترامپ ايىپتارىنىڭ ءبارى نەگىزسىز دەپ ۇرانداتىپ جاتىر.

 ايتا كەتكەن ءجون، بۇعان دەيىن اق ءۇي باسشىسى Twitter- دەگى پاراقشاسىندا: «رەسمي يسلاماباد اۋعانستاننان كەلگەن سودىرلاردى جاسىرىپ، لاڭكەستىكپەن كۇرەس جۇرگىزۋدە كومەك كورسەتپەيدى»، -  دەپ جازعان بولاتىن.

 ونىڭ حابارلاۋىنشا، سوڭعى 15 جىلدا امەريكالىقتار مەملەكەتكە 33 ميلليارد دوللار قارجى ءبولىپتى. وسى رەتتە ا ق ش بيلىگى لاڭكەستىكپەن كۇرەسكە جوسپارلانعان كەزەكتى 255 ميلليون دوللار قارجىلاي كومەكتى ۋاقىتشا توقتاتۋ شەشىمىن قابىلداعان.

 بۇل جانجالدان كەيىن پاكىستاننىڭ سىرتقى ىستەر مينيسترلىگى تۇسىنىكتەمە بەرۋ ءۇشىن ا ق ش ەلشىسىن شاقىرتقان.

 مۋزامميل يكبال، ەرەۋىلشى:

 -  دونالد ترامپ بۇل مالىمدەمەسىمەن پاكىستان بيلىگىنە ءتىل تيگىزدى. ا ق ش ادەتتەگىدەي الدىنا قويعان ماقساتتارىنا قول جەتكىزگەننەن كەيىن ەشكىمدى دە كەرەك ەتپەيدى.

www.24.kz