قازاقستاندىق ۆاگونداردى شەتەلگە ەكسپورتتاۋىمىز كەرەك - ماۋلەن اشىمبايەۆ
دەپ حابارلايدى «قازاقپارات» ح ا ا ءتىلشىسى.
«جالپى، «تۇلپار- تالگو» زاۋىتى بۇگىنگى تاڭدا قازاقستاننىڭ تەمىر جولىن جاڭا ۆاگوندارمەن قامتاماسىز ەتىپ وتىر. وندىرىستە ءبىرشاما ۆاگونداردىڭ شىعارىلىپ جاتقانىن كورىپ وتىرمىز. وزدەرىڭىز بىلەتىندەي، قازاقستان اۋماعى بويىنشا الەمدە توعىزىنشى ورىن الادى. ءبىزدىڭ ەكونوميكانى دامىتىپ، حالىقتىڭ الەۋمەتتىك جاعدايىن قامتاماسىز ەتىپ، قاۋىپسىزدىگىمىزدى ساقتاۋ ءۇشىن كولىك جۇيەسى مەن كوممۋنيكاتسيانى دامىتۋدى وزىمىزگە نەگىزگى ماقسات ەتىپ قويۋىمىز كەرەك. بۇگىنگى كۇنى ەلىمىزدە ناقتى وسى ساياسات جۇزەگە اسىرىلىپ جاتىر. وسى ساياساتتىڭ نەگىزىندە قازاقستانداعى جولداردى، تەمىر جولداردى سالۋ نەگىزگى باسىمدىقتاردىڭ ءبىرى بولىپ تابىلادى»، - دەيدى ماجىلىسمەن «تۇلپار- تالگو» زاۋىنىڭ جۇمىسىمەن تانىسۋ بارىسىندا.
پارلامەنت ءماجىلىسى دەپۋتاتىنىڭ ايتۋىنا قاراعاندا، قازاقستاندا «نۇرلى جول» باعدارلاماسى اياسىندا جولدار، تەمىر جولدارمەن بىرگە لوگيستيكالىق ورتالىقتار دا سالىنۋدا. سوندىقتان، قازاقستاندى دامىتۋدىڭ بىردەن- ءبىر فاكتورى - قازاقستانداعى تەمىر جولداردى دامىتۋ بولىپ تابىلادى.
«سوڭعى جىلدارى ەلىمىزدە ءبىرشاما تەمىر جول سالىنىپ جاتىر. ونى دامىتۋدىڭ ءبىر امالى - ەسكىلەرىن جاڭا ۆاگوندارعا اۋىستىرۋ. «تۇلپار- تالگو» زاۋىتىندا ەۋروپالىق تالاپتار ەسكەرىلىپ وتىر. شىعارىلىپ جاتقان ۆاگونداردىڭ بارلىعىنىڭ ساپاسى وتە جوعارى. قازىرگى ۋاقىتتا مۇنداعى ۆاگونداردى الەمدىك ستاندارتتارعا ساي كەلەدى دەپ ايتساق ارتىق ايتقانىمىز ەمەس»، - دەيدى دەپۋتات.
ماۋلەن اشىمبايەۆ الداعى ۋاقىتتا «تۇلپار- تالگو» ءوزىن- ءوزى ۇستاپ تۇرۋى ءۇشىن ەكسپورتەرلارمەن قىزۋ جۇمىس جۇرگىزۋدى قولعا الۋى كەرەكتىگىن ايتادى.
«وسى ءوندىرىستىڭ الداعى ۇلكەن ماقساتتاردىڭ ءبىرى - قازاقستانداعى ەسكى ۆاگونداردى اۋىستىرۋمەن بىرگە، شەتەلدەرگە، اتاپ ايتقاندا، ورتا ازيا مەملەكەتتەرىنە، يرانعا ءوزىمىزدىڭ ۆاگوندارىمىزدى شىعارۋ. كاسىپورىننىڭ الدىندا تۇرعان بىردەن- ءبىر ۇلكەن ماقساتتىڭ ءبىرى وسى بولىپ وتىر. ويتكەنى، قازاقستانداعى ىشكى سۇرانىس قالاي دا بولسا 2025 -جىلعا دەيىن قامتاماسىز ەتىلەدى. ءبىراق، كاسىپورىندى ارى قاراي ۇستاپ تۇرۋ ءۇشىن وزبەكستانعا، ورتا ازيا مەملەكەتتەرىنە، يرانعا، اۋعانستانعا ۆاگونداردى شىعارۋدى قولعا الۋىمىز كەرەك»، - دەيدى ماۋلەن اشىمبايەۆ.
ماجىلىسمەن بۇل باعىتتا ءبىرشاما جۇمىس قولعا الىنعانىن ايتىپ بەردى.
«اتاپ ايتقاندا، وزبەكستانمەن قارىم- قاتىناستىڭ جاندانىپ كەلە جاتقانىنا بايلانىستى «تۇلپار- تالگو» زاۋىتىنىڭ ۆاگوندارىن ەكسپورتقا شىعارۋ تۋرالى كەلىسىمدەر جاسالىپ جاتقان سياقتى. يرانمەن دە بۇل باعىتتا جۇمىس باستالعان سەكىلدى. ۆاگونداردى باسقا مەملەكەتتەرگە جىبەرىپ، ءوزىمىزدىڭ ەكسپورتتىق الەۋەتىمىزدى ارتتىرامىز دەگەن ويدامىن. سوندىقتان، بۇگىنگى كۇنى دەپۋتاتتارمەن بىرگە كاسىپورىن باسشىلىعىمەن كەزدەسىپ، قانداي ماسەلەلەردىڭ بار ەكەنى تالقىلاپ جاتىرمىز»، - دەپ ءتۇيدى ماۋلەن اشىمبايەۆ.
اۆتور: ايان بەكەن ۇلى
