قوستانايدا رەسەيلىك تراكتورلار قۇراستىرىلماق
قالانىڭ وندىرىستىك احۋالىن جاقسارتۋ ءۇشىن اشىلعان نىسانداردىڭ ەڭ الەۋەتتىسى - يندۋستريالىق ايماق. ونىڭ ىشىنە بىرنەشە كاسىپورىن قۇرىلىسى قىزۋ ءجۇرىپ جاتىر. ماسەلەن، «ۋرال ل ت د» ج ش س ۇلكەن سۇرانىس بولعان جاعدايدا «كيروۆەتس» تراكتورىنىڭ 500 گە دەيىنگى داناسىن شىعارۋعا نيەتتى. سەرىكتەستىك ديرەكتورى ۆالەنتين رومانوۆ وبلىس اكىمىمەن كەزدەسۋ بارىسىندا رەسەيلىك تراكتورلاردى قۇراستىرۋ جوسپارى تۋرالى ايتتى.
ارحيمەد مۇحامبەتوۆ تە ونىڭ جوسپارىن قۇپتاپ، ينۆەستورلار تاراپىنان 1 ميلليارد تەڭگە بولىنگەن جاعدايدا جەر ۋچاسكەسى بەرىلەتىنىن جەتكىزدى.
«ءبىز جەر ۋچاسكەسىن بولەمىز، سودان كەيىن سىزدەرگە ينۆەستورلاردىڭ ءتيىستى قارجى قۇيۋىن كۇتەمىز. قازىردىڭ وزىندە يندۋستريالىق ايماقتا ءوز جوبالارىن جۇزەگە اسىرعىسى كەلەتىن كاسىپورىندار كوپ، ويتكەنى ەگەر ولاردىڭ بازاسىندا ەركىن ەكونوميكالىق ايماق بولسا، سالىقتىق جەڭىلدىكتەرگە يە. سوندىقتان دا ەڭ اۋەلى ينۆەستيتسيا ماسەلەسىن شەشىپ الىڭدار»، - دەدى وبلىس اكىمى.
ءدال وسى ايماقتاعى «ۆ ە ك قازاقستان» ج ش س جەدەلساتى شىعاراتىن زاۋىت قۇرىلىسىن قولعا العان. بۇل زاۋىتتىڭ قۇرىلىسى وسى جىلدىڭ قىركۇيەك ايىندا باستالعان ەدى. جوبانىڭ جالپى قۇنى - 2,5 ميلليارد تەڭگە. كاسىپورىن جىلىنا 700 جەدەلساتى جاساپ شىعارۋعا قاۋقارلى. قازىردىڭ وزىندە-اق 105 ميلليون تەڭگەنىڭ جەدەلساتىلارىنا الدىن الا سۇرانىس قابىلداپ قويىپتى.
وبلىس ورتالىعىندا قۇرىلىس جۇمىستارى اياقتالۋعا جاقىن قالعان ءبىرقاتار نىسان «اۋەجاي» شاعىناۋدانىندا ىرگە كوتەرمەك. ناقتىلاپ ايتقاندا، تاياۋ ارادا سپورت كەشەندەرى پايدالانۋعا بەرىلەدى. مۇنىمەن قوسا، 900 ورىنعا شاقتالعان ورتا مەكتەپ سالىنۋ ۇستىندە.
«قالانىڭ سولتۇستىك-باتىس بولىگىندەگى «اۋەجاي» ىقشاماۋدانىنىڭ بولاشاعى زور، تۇرعىن ۇيلەر بوي تۇزەدى. سوندىقتان، بۇل الەۋمەتتىك نىساندار سىن مەن ساپاعا سايكەس كەلۋ كەرەك. وسىعان ءمان بەرىڭىزدەر»، - دەدى ارحيمەد مۇحامبەتوۆ قۇرىلىسشىلارعا.
