گراناتانى قولىنان ءتۇسىرىپ العان قىتايلىق سارباز امان قالدى

استانا. قازاقپارات - قىتايدىڭ سيان قالاسىنداعى اسكەري وقۋ-جاتتىعۋ ورنىندا ساربازدىڭ قاتەلىگىنەن گراناتا جارىلدى، دەپ حابارلايدى قازاقپارات.

قىتايلىق china.com پورتالىنىڭ حابارلاۋىنشا، وقىس وقيعا اسكەر ساپىنا جاڭادان قوسىلعان ساربازداردى گراناتا لاقتىرۋعا جاتتىقتىرۋ كەزىندە ورىن العان. جارىلعىش زاتتىڭ ساقتاندىرعىشىن اعىتقان سارباز، قولىنداعى گراناتانى كەزدەيسوق ءتۇسىرىپ العان. الايدا، جاعدايدى باقىلاپ تۇرعان كوماندير جەدەل ارەكەتكە كەلىپ، ساربازدى ولىمنەن اراشالاپ قالدى.

كومانديردىڭ ايتۋىنشا، گراناتا قولدان ءتۇسىپ كەتكەن كەزدە، ول ساربازدى دەنەسىمەن قورعاپ قالۋعا ارەكەتتەنگەن. گراناتا ولاردان 1 مەتر جەردە جارىلسا دا، ەكەۋى ءدىن امان قالدى.