حورحە لۋيس بورحەس: مەنىڭ كۇنام - عالامنىڭ ەڭ اۋىر كۇناسى
«قۇپيا جازبا» كىتابىنان
بوتەن
عيباداتحانادا الداسپان مۇلگىپ تۇردى.
الداسپاندى ەش ءبىر زامان كورمەگەن
ءپىراداردىڭ ءبىرى مەن.
ال توبىرلار قولادان جاسالىنعان اينەككە
تابىنادى نە تاسقا.
ال مەنىڭشە، ەستە جوق ەسكى زاماندا
ولاردى تاڭداعان سەكىلدى از بولعانى ءۇشىن.
اشىعىن ايتايىن:
سينتويزم -
ەڭ ەركىن مادەنيەت ءتۇرى.
ەڭ ەركىن جانە ەڭ ەسكى.
بىزدەردە ەڭ كونە حاتتار بار، جازۋى كومەسكى.
ءتىپتى سينتويزمدى قابىلداي الادى بۇعى مەن شىق ەستى.
ول ءبارىن ەڭبەككە باۋليدى،
بەلگىلەمەي ءبىراق اعلاقتى.
كىم قالاي ءومىر سۇرەدى ەشتەڭەنى بەكىتپەيدى جان-جاقتى
جانە ەشكىمدى قورقىتپايدى، ەش سىيلىقتى تا المايدى.
ونى ۇستاۋشىلار بۋددانىڭ ءيا يسانىڭ ىزىمەن جۇرۋىنە قۇقىلى.
ول يمپەراتوردى قۇرمەتتەيدى جانە ولگەن كىسىنى.
سەبەبى،
ولگەننەن سوڭ ادامنىڭ اينالاتىنىنا قۇدايعا
جانە جاقىندارىن جەبەيتىنىنە سەنەدى.
ولگەننەن سوڭ اعاشتىڭ اينالاتىنىنا قۇدايعا
جانە جاقىندارىن جەبەيتىنىنە سەنەدى.
تۇزدىڭ، سۋدىڭ جانە اۋەننىڭ تازالايتىنىنا سەنەدى.
ول قۇدايدىڭ سانسىز كوپ ەكەندىگىنە سەنەدى.
تاڭسارىدە كارى اقىن پەرۋلىق كەلىپ-كەتتى بۇل ماڭعا
كورمەيدى ەكەن قوس كوزى.
گالەرەيادا وتىپ، باقشامىزدىڭ سامالىمەن،
سازدى جەردىڭ يىسىمەن،
كىل قاناتتى قۇدايلاردىڭ اۋەنىمەن بولىستىك.
اۋدارماشى ارقىلى تۇسىندىرە باستادىم ءدىنىم جايلى ەڭ ەسكى.
جورامالداي المايمىن ءتۇسىندى دەپ مەن ونى.
ەشتەڭەنى بايقاتپايدى باتىستىق كەلبەتى.
ورالعان سوڭ پەرۋعا
مەن بۇل جايلى جىر جازام دەپ ۋادە ەتتى.
جازدى ما ەكەن، بىلمەيمىن:
ەندى قاشان كەزدەستىرەم پەرۋلىقتىڭ ەر كەيپىن.
«قارا باقىر» كىتابىنان
باستىعىرىلۋ
التىن ءتاجدى حان كوردىم مەن الگىندە تۇسىمدە
كوز قادايدى قالشيىپ قارا تۇنەك ىشىندە.
مۇنداي ءجۇزدى كورمەپ ەم، الداسپانى راسىندا
يەسىنە ادال يت سىندى قىڭسىلايدى قاسىندا
بۇل كىم ەكەن - نورۆەگيالىق، نورتۋمبريالىق پا الدە؟
سولتۇستىكتىڭ ادامى ما، تانىمادىم ءالى دە؟
ءتۇسى جيرەن قاپ- قالىڭ كوكىرەگىن تۇك باسقان
ۇزاق، ءۇنسىز قارايدى ەشتەڭكەنى ۇقپاستان.
ءومىر ونى تەربەتىپ قانداي دا ءبىر تەڭىزدەن
بەلگىسىز ءبىر كەمەدە جىبەردى ەكەن نەنى ىزدەپ؟
اكەلگەن بە جوق الدە ساماي شاشى قۋارعان
وتكەنى مەن كەشەگى قاسىرەتىن جىلارمان؟
مۇڭدى كوزبەن قارايدى، مەن سەكىلدى كىنالى
قاپ- قاراڭعى، ءقازىر ءتۇن، مەنى ازعىرىپ تۇر ءالى.
جازعىرۋ
مەنىڭ كۇنام -
عالامنىڭ ەڭ اۋىر كۇناسى.
ءبىر ساتتىك باقىتتىڭ بىلمەگەم باعاسىن.
مۇز كوشى قوينىنا جاسىرىپ ءتانىمدى
جادىنان شىعارسىن جانىمنىڭ داۋاسىن.
ورتەنۋىمىز ءۇشىن تاعدىردىڭ تەزىنە
بابامنىڭ بەلىنەن جارالعام، ءوسىپ ەم -
جەل مەنەن جەر ءۇشىن، سۋ مەنەن شاڭ ءۇشىن.
ءبىراق مەن باقىتسىز كۇدىككە كەزىگەم.
الدادىم ولاردى. ومىرلىك ۇرىستار
كوككە ۇشقان ولەڭدى قايتادان دۇرىستاۋ،
تۇتىننەن توقىلعان ورنەكتەر - ماعان با كەرەگى؟ !
مەن دەگەن تەكتى ەلدىڭ ۇلىمىن - جىلبىسقا.
ارتىمدا كۇللى الەم: قالدى ەندى از كۇشىم -
ءالى دە قاراپ تۇر قايعىلى جازمىشىم.
جازۋ
سۋسانە ەومبال
1915 -جىلى جەنەۆاداعى ءبىر مۋزەي ۆيتريناسىنان قىتاي ەروگليفتەرى جازىلعان بيىك قوڭىراۋدى كورىپ قالدىم. 1976 -جىلى وسى ءبىر شۋماقتاردى جازىپ وتىرمىن:
ءبىر قىزىعى،
ءدال قازىر تۇنەكتىڭ ەڭ سوڭعى دۇعاسى بولا الام،
كىل قۇلدىراۋلار مەن ءومىردىڭ ءمانىن ساقتاعان
ءسوزى دە بولا الام.
ءتىپتى ءوزىڭ بىلەتىن جۋاڭجى تۇسىنە اينالىپ،
شەگى جوق ءتامسىل مەن جاي ءبىر كۇن بولا الام.
ەندى مەن ولەڭ بوپ سوزىڭە وزگەرەم قالاعان
قۇپياڭا اتىڭا، سىرىڭا
قانشا جىل بەكەرگە سوعىلعان ساعاتتىڭ ىشىنە تىعىلعان
مەن دەگەن بارلىعى بولا الام.
تەك مەنى تۇنەكتە قالدىرۋىڭدى قالاعام.
وزگەنىڭ سىباعاسى
جوق، بۇل جازۋ بارلىعىن امان ساقتاپ قالا الماس،
بۇگىن تاعى ءبىر ەسىمدى قايتالايسىڭ ۇرەيمەن؛
سىباعاسىن وزگەنىڭ الام دەيسىڭ قاي ەلدەن:
ءوز ىزىڭمەن قالانعان، لابيرينتتە امال دا از.
ساعان الدە سوكرات پەن يسا ءولىمى كەرەك پە؟
ءىڭىر كەلىپ كوز جۇمعان ۋاقىتتىندا، جۇدەگەن
مىنا جالعان الەممەن قوشتاسۋدى تىلەگەن
كەرەك پە الدە بۋددانىڭ سوڭعى دەمى بولەكتەۋ؟
قۇدىرەتتى بۇل ءسوزدى قۇلات، جاسا ءبارىبىر
وندا ەشقانداي قاۋقار جوق - ءبارى عايىپ بولادى
اياۋشىلىقتى بىلمەيتىن جاھاننامنىڭ الاۋى
سىندى ءتۇن دە بىلمەيدى تاڭ اتارىن تاعى ءبىر.
ۋاقىتىسىڭ سەن- داعى ءوز ءمانىڭنىڭ سىرعىعان
ءار ساتىندە كەرەكسىڭ سەنەر بولساڭ شىن بۇعان.
سوڭى
تاعدىرىنىڭ رەڭى جوق ءبىلىمداردىڭ ۇلى ەدى.
جەتىممىن دەپ سەزىنىپ جىلاعانمەن نە ەتەدى؟!
مانسىزدىكپەن ەندىگى كۇرەسكىسى كەلەدى
ءوزى جانە سانانى: ايىرىلماعان ەكەۋى.
قايعىسىمەن ءوزىنىڭ تۇرسا- داعى قاۋىشىپ
بارلىق جەردەن جالىقپاي ىزدەيدى ونىڭ داۋىسىن.
ونى تابۋ - قالاۋى
قۇدىرەتكە سەنەدى ولىمنەن دە جوعارى.
ساناسىندا ءاردايىم جاڭعىرادى بۇل ءبىر ءىس
مەزى بولعان الەمدە جوعالماعان قۇلشىنىس -
ىزدەدى ونى اشپاعان قۇرلىقتاردان جانە دە
كەلگەن جەرى- وكىنىش، كەتەر جەرى- تاۋەكەل.
ىزدەۋشى كىم بولسا دا، جاراتقاننان سۇرارىم
جۇباتپاي- اق قوي ونى، ورىنداشى قالاۋىن.
ورىس تىلىنەن اۋدارعان: فايزۋللا ءتولتاي
«ۇلت» پورتالى
