10:05, 03 - قاڭتار 2018 | GMT +5
مەملەكەتتىك مەكەمەلەردە سپيرتتىك ىشىمدىكتەر ىشۋگە رۇقسات بار ما
استانا. قازاقپارات - مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى مەرەكە كەزىندە جۇمىستا الكوگول ىشۋگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.
«ەتيكالىق كودەكستىڭ 5-ءبولىمىنىڭ 5) جانە 11) تارماقتارىنا سايكەس، مەملەكەتتىك قىزمەتشىلەر مەملەكەتتىك ورگاندار قىزمەتىنە كەدەرگى كەلتىرەتىن نەمەسە تيىمدىلىگىن تومەندەتەتىن ارەكەتتەردىڭ الدىن الۋى ءتيىس»، - دەپ جاۋاپ بەردى اگەنتتىك رەداكسيانىڭ رەسمي ساۋالىنا.
سونىمەن بىرگە، اگەنتتىكتىڭ مالىمدەۋىنشە، مەملەكەتتىك قىزمەتشىلەر قىزمەتتىك ءتارتىپتى مۇلتىكسىز ۇستانىپ، ءوز قىزمەتتىك مىندەتتەرىن ءادىل ءارى ساپالى اتقارۋى كەرەك جانە جۇمىس ۋاقىتىن ءتيىمدى پايدالانۋى ءتيىس.
«وسىلايشا، ەتيكالىق كودەكس نورمالارىنا سايكەس، مەملەكەتتىك مەكەمەلەردە سپيرتتىك ىشىمدىكتەر ىشۋگە جول بەرىلمەيدى»، - دەدى ساراپشىلار.
