قوستانايدا كولىك جىلدامدىعىن باقىلايتىن جاڭا جۇيە ەنگىزىلدى

قوستاناي. قازاقپارات - قوستانايدا تۇڭعىش رەت كولىك جىلدامدىعىن ولشەيتىن «اۆتوۋراگان» باقىلاۋ جۇيەسى ەنگىزىلدى، دەپ حابارلايدى قازاقپارات وبلىستىق ءى ءى د باسپا ءسوز قىزمەتىنە سىلتەمە جاساپ.

ەندى قوستانايلىق كولىكتەردىڭ جىلدامدىعىن تاۋلىك بويى اۆتوماتتىق رەجيمدە 8 «اۆتوۋراگان» جىلدامدىق ولشەۋشى باقىلايتىن بولادى.

«بۇل جۇيە ازىرگە پيلوتتىق رەجيمدە جۇمىس ىستەيدى. وسىعان دەيىن وبلىس اۋماعىندا «Red Speed»  اتتى جىلدامدىقتى جانە باعدارشامنىڭ تىيىم سالىنعان بەلگىسىنە ءوتىپ كەتكەن كولىكتەردى انىقتايتىن باقىلاۋ كەشەنى بولعان. ولاردىڭ ورنىنا ساتىپ الىنعان «اۆتوۋراگان» ولشەۋىشى 5 قاڭتاردان باستاپ قولدانىسقا ەنەدى»، - دەپ حابارلادى وبلىستىق ءى ءى د باسپا ءسوز حاتشىسى يرينا بەجەنار.

«اۆتوۋراگان» باقىلاۋ جۇيەلەرىن ورناتۋ نۇكتەلەرىن جەرگىلىكتى پوليتسيا قىزمەتى بەلگىلەدى. اتالعان ولشەۋىشتەر قالانىڭ ك ج ب ي شاعىن اۋدانى، اباي-قازاق، پوپوۆيچ- يۋبيلەينىي، كاربىشەۆ- ءسىبىر كوشەلەرىنىڭ قيىلىسىندا، «اۋەجاي» اۋدانىندا، قوستاناي- زاتوبول تاسجولىندا، قوبىلاندى باتىر داڭعىلىندا ورناتىلعان.

بارلىق اقپارات قۇپيا تۇردە ساقتالىپ، ءى ءى د- نىڭ جۇيەلەنگەن ورتالىعىنا جىبەرىلەدى. كەيىن، ورتالىقتىڭ ماماندارى ق ر ءى ءى م-نىڭ مالىمەت بازاسى بويىنشا ايىپپۇلدى جول ەرەجەسىن بۇزعان كولىك يەسىنىڭ ۇيىنە «قازپوشتا» ارقىلى جىبەرەدى.