بەرلينگە جاقىن ماڭداعى تۇرمەدەن توعىز تۇتقىن قاشىپ كەتتى

استانا. قازاقپارات - بەرلينگە جاقىن ماڭداعى پلەتتسەنزە تۇرمەسىنەن بەس كۇننىڭ ىشىندە توعىز تۇتقىن قاشىپ كەتتى.

قاشقىنداردىڭ ءبىرى ءوزى بەرىلسە، بىرەۋىن پوليتسيا تۇتقىندادى. ال قالعان جەتەۋىنە ىزدەۋ جاريالاندى، دەپ حابارلايدى Deutsche Welle.

وقىس وقيعا تۋرالى سەيسەنبى كۇنى گەرمانيا استاناسىنىڭ ادىلەت باسقارماسىنىڭ مۇشەسى ديرك بەرەندت ءمالىم ەتتى. ونىڭ ايتۋىنشا، تۇتقىننىڭ تورتەۋى تۇراقتى كۇزەتى بار كامەرادا بولسا، قالعان بەسەۋى باقىلاۋ دەڭگەيى تومەن دەڭگەيدەگى ورىندا ۇستالعان. بۇل اباقتى اسا اۋىر ەمەس جانە قوعامعا قاۋىپ توندىرمەيتىن قىلمىس جاساعاندار جازاسىن وتەيتىن اشىق ۇلگىدەگى تۇرمە بولعان.

قاشقىنداردىڭ ءبىرى كەيىنەن قورعاۋشىسىنا ەرىپ كەلىپ، بيلىككە ءوز ەركىمەن بەرىلگەن. ونى قاداعالاۋ بارىنشا قاتاڭ رەجىمدەگى تۇرمەگە اۋىستىردى. تاعى ءبىر قاشقىندى پوليتسيا 1- قاڭتاردا قولعا ءتۇسىردى.

قالعان جەتى ادامعا ىزدەۋ جاريالاندى. ولاردىڭ كوبى ۇرلىق، اۋىر دەنە جاراقاتىن سالۋ، الاياقتىق قىلمىستارى بويىنشا جازاسىن وتەپ جاتقاندار. قىلمىسكەرلەر تۇرمە اۋماعىنان ۆەنتيلياتسيا تەسىگى ارقىلى قاشىپ شىققان.