ترامپ: پاكىستانعا قارجى كومەگىن بەرۋ قاتەلىك بولدى
«سوڭعى 15 جىلدا ولار بىزدەن 33 ميلليارد دوللار العان، ال ءبىز ولاردان وتىرىكتەن باسقا ەشتەڭە الىپ كورگەن ەمەسپىز؛ ولار ءبىزدىڭ جەتەكشىلەرىمىزدى اقىماق سانايدى» دەپ جازعان ترامپ.
اق ءۇي باسشىسى يسلامابادتى ا ق ش اۋعانستاندا سوعىسىپ جاتقان يسلامشىل سودىرلاردى جاسىرىپ وتىر دەپ ايىپتاپ، مۇنداي ءبىرجاقتى قارىم- قاتىناستى دوعارۋعا ۋادە ەتكەن.
ا ق ش پرەزيدەنتىنە جاۋابىندا پاكىستاننىڭ قورعانىس ءمينيسترى حۋررام داستگير- حان Twitter الەۋمەتتىك جەلىسىندەگى پاراقشاسىندا ءوز ەلى «تەرروريزمگە قارسى كۇرەستە امەريكالىق اسكەريلەرگە بايلانىس قىزمەتىن كورسەتىپ، بازالارىن بەرىپ، بارلاۋ مالىمەتتەرىمەن ءبولىسىپ ۇنەمى ا ق ش- تىڭ ادال وداقتاسى بولعانىن، ءبىراق امەريكالىقتاردىڭ پاكىستانعا العىسى قورلاۋ مەن سەنىمسىزدىك» بولعانىن جازعان. پاكىستاننىڭ سىرتقى ىستەر ءمينيسترى حاۋادج مۋحامماد اسيف يسلاماباد ا ق ش- تان العان ءاربىر سەنت ءۇشىن جاريا تۇردە ەسەپ بەرۋگە دايىن ەكەنىن ايتقان.
قاڭتاردىڭ 1- كۇنى اق ءۇي پاكىستانعا 2016 -جىلى بەكىتىلگەن 255 ميلليون دوللاردىڭ اسكەري جاردەمىن بەرۋدى جوسپارلاپ وتىرماعانى تۋرالى حابارلاعان. ۆاشينگتون يسلامابادتان ەل تەرريتورياسىنداعى «حاككاني جەلىسى» ءتارىزدى «تاليبان» قوزعالىسىنا جاقىن توپتاردىڭ قىزمەتىن جويۋدى تالاپ ەتىپ كەلەدى، ءبىراق پاكىستان بيلىگى بۇل باعىتتا ونسىز دا قولدان كەلگەن مۇمكىندىكتىڭ ءبارىن جاساپ جاتقانىن ايتادى.
