ب ۇ ۇ باسشىلىعى قازاقستان بىتىمگەرشىلەرى سانىن ارتتىرۋعا قىزىعۋشىلىق تانىتتى

استانا. قازاقپارات - ب ۇ ۇ باسشىلىعى قازاقستاندىق بىتىمگەرشىلەرگە جوعارى باعا بەردى. بۇل تۋرالى «قازاقپاراتتىڭ» رەسمي ساۋالىنا ق ر قورعانىس مينيسترلىگىنىڭ جاۋابىندا وسىلاي اتاپ وتىلگەن.

 «قازىرگى ۋاقىتتا باتىس ساحاراداعى ب ۇ ۇ ميسسياسىسىندا 5 قازاقستاندىق اسكەري قىزمەتشى قىزمەت اتقارىپ جاتىر. ب ۇ ۇ باسشىلىعى ءبىزدىڭ اسكەريلەردىڭ دايىندىق دەڭگەيىنە جوعارى باعا بەردى جانە ولاردىڭ سانىن ارتتىرۋعا قىزىعۋشىلىق تانىتتى»، - دەپ اتاپ وتىلگەن مينيسترلىكتىڭ مالىمەتىندە.

اتاپ ايتقاندا، بۇگىندە ق ر قورعانىس مينيسترلىگى ق ر سىرتقى ىستەر مينيسترلىگىمەن ءوزارا ءىس- قيمىل جاساي وتىرىپ، ب ۇ ۇ ميسسياسىنا اسكەري باقىلاۋشىلار مەن شتابتىق وفيتسەرلەردىڭ قاتىسۋ سانىن ارتتىرۋ، سونداي- اق سانى روتاعا دەيىن اسكەري بولىمشەنى جىبەرۋ بويىنشا جۇمىستار جۇرگىزۋدە.

بەلگىلى بولعانداي، 2014 -جىلدان باستاپ قازىرگى ۋاقىتقا دەيىن 13 قازاقستاندىق وفيتسەر باتىس ساحارا جانە كوت- ديۆۋاردا 12 اي ىشىندە ب ۇ ۇ ميسسياسىنا قاتىستى.

ەستەرىڭىزگە سالا كەتەيىك، ق ر پارلامەنتىنىڭ 2013 -جىلعى 20 - جەلتوقسانداعى قاۋلىسىنا سايكەس، بەيبىتشىلىكتى جانە قاۋىپسىزدىكتى قولداۋ بويىنشا حالىقارالىق مىندەتتەردى ورىنداۋ ءۇشىن ب ۇ ۇ بىتىمگەرشىلىك ميسسياسىنا اسكەري باقىلاۋشىلار رەتىندە ق ر قارۋلى كۇشتەرىنىڭ وفيتسەرلەرىن جىبەرۋ جۇزەگە اسىرىلۋدا.

2017 -جىلدىڭ ناۋرىز ايىندا ق ر قورعانىس ءمينيسترىنىڭ ورىنباسارى تالعات مۇحتاروۆ ءماجىلىس دەپۋتاتتارىنا ب ۇ ۇ ميسسيالارىنا قاتىسىپ جۇرگەن قازاقستاندىق بىتىمگەرلەر تۋرالى ايتىپ بەرگەن ەدى. قورعانىس مينيسترلىگىنىڭ مالىمەتىنشە، «قازبات» ساپىنا ەنۋگە نيەتتىلەر قاتارى قالىڭ كورىنەدى. سوندىقتان دا ىرىكتەۋدىڭ قاتاڭ ءتارتىبى بەكىتىلگەن. وسى ورايدا دەنساۋلىق جاعدايى، سپورتتىق دايارلىعى، كاسىبي داعدىلارى، تىلدەردى مەڭگەرۋى، پسيحولوگيالىق تۇراقتىلىعى جانە باسقا دا جەكە قاسيەتتەرى ەسكەرىلەدى.

اۆتور: رۋسلان عابباسوۆ