سولتۇستىك كورەيا يادرولىق كۇشتەرىن قۇرۋدى اياقتادى

استانا. قازاقپارات - سولتۇستىك كورەيا باسشىسى كيم چەن ىن حالىققا جاڭا جىلدىق جولداۋىن جاسادى. كيم چەن ىننىڭ ايتۋىنشا، قازىر ونىڭ ۇستەلىندە جويقىن قارۋدى باسقاراتىن تۇيمەشىك پايدا بولعان.

سوندىقتان ول ەندى ا ق ش- تىڭ ەلگە سوعىس اشۋىن تەجەپ، قۇراما شتاتتاردىڭ كەز كەلگەن جەرىن نىساناعا الۋعا مۇمكىندىك بەرەدى.

سونداي- اق كيم چەن ىن الداعى ۋاقىتتا تاعى دا قۇرلىق ارالىق بالليستيكالىق زىمىراندى سىنايتىنىن جەتكىزدى. ايتا كەتەيىك، وتكەن جىلى كورەي تۇبەگىندەگى جاعداي كۇرت شيەلەنىسىپ كەتتى. وعان پحەنياننىڭ ب ۇ ۇ تاراپىنان قويىلعان تالاپتارعا قاراماستان، يادرولىق قارۋ مەن بالليستيكالىق زىمىراندى سىناۋى سەبەپ بولدى. وسىدان كەين ب ۇ ۇ قاۋىپسىزدىك كەڭەسى جاڭا سانكسيالار سالىپ، ا ق ش، وڭتۇستىك كورەيا جانە جاپونيا بىرلەسكەن اسكەري جاتتىعۋلارىن ۇدەتتى.

كيم چەن ىن، سولتۇستىك كورەيا باسشىسى:

 - ەندى ا ق ش- تىڭ ەشقاشان دا ءبىزدىڭ ەلگە سوعىس اشۋعا مۇمكىندىگى بولمايدى. بيىل ءبىز يادرولىق وقتۇمسىقتار مەن بالليستيكالىق زىمىرانداردى جاساپ شىعارۋدى كۇشەيتەمىز.

www.24.kz