ساۋد ارابياسىندا جانار- جاعارماي باعاسى ەكى ەسەگە قىمباتتادى
ساراپشىلار باعانىڭ كوتەرىلۋىنە بايلانىستى ەلدە ازىق- تۇلىك تە قىمباتتايدى دەگەن بولجام ايتىپ وتىر.
Bloomberg اگەنتتىگىنىڭ حابارلاۋىنشا، رەسمي ەر- رياد مۇنداي قادام ارقىلى سۇيىق وتىندى ءتيىمدى تۇتىنىپ، ۇكىمەت قازىناسىن تولتىرۋدى كوزدەپ وتىر. بۇعان دەيىن حالىقارالىق ۆاليۋتا قورى ەگەر الەمدىك نارىقتا قارا التىن باعاسى قۇلدىراي بەرسە، كورولدىكتىڭ قورى الداعى بەس جىلدا تاۋسىلۋى مۇمكىن دەگەن بولجام جاساعان.
ايتا كەتەيىك، ساۋد ارابياسىندا جانارماي باعاسى ەكى ەسەگە قىمباتتاعان كۇننىڭ وزىندە مۇنداعى بەنزين الەمدەگى ەڭ ارزانداردىڭ ءبىرى سانالادى. ءبىراق وسىنىڭ وزىنە جەرگىلىكتى جۇرگىزۋشىلەردىڭ كوڭىلى تولماي وتىر.
باسەم شاباناا، جۇرگىزۋشى:
- جانارماي باعاسىنىڭ قىمباتتاۋى كولىكپەن كوپ جۇرەتىن جۇرگىزۋشىلەردىڭ قالتاسىنا سالماق بولادى. مەن مەديتسينالىق تاۋارلاردى جەتكىزىپ بەرۋمەن اينالىسامىن. كۇنىنە 300-400 شاقىرىم جول جۇرەمىن. باعانىڭ كوتەرىلگەنى ماعان قاتتى بايقالدى.
www.24.kz
