ا ق ش- تا اۆتومات تەك ۇتىس شىعاتىن بيلەتتەردى بەرگەن

استانا. قازاقپارات - ا ق ش- تاعى وڭتۇستىك كارولينا قالاسىندا اۆتومات تەحنيكالىق اقاۋلار سالدارىنان جەرگىلىكتى لوتەرەيانىڭ تەك ۇتىس شىعاتىن بيلەتتەردى بەرگەن.

وسىنىڭ ارقاسىندا ءار لوتەرەيادان 500 دوللاردان الۋدىڭ مۇمكىندىگى تۋعان. ال جالپى جۇلدە قورى 20 ميلليون دوللاردى قۇراعان.

بۇل تۋرالى WYFF News 4 ارناسى حابارلادى.

ەكى ساعات بويى تۇرعىندار روجدەستۆولىق لوتەرەيا بيلەتتەرىن ساتىپ الۋمەن بولعان. ءتىپتى كەيبىرى ۇتىلمايتىندىعىن ءتۇسىنىپ، بىردەن بىرنەشە بيلەت العان كورىنەدى.

ءبىر ايەل 100 دوللارعا بيلەت الىپ، 18 مىڭ دوللار ۇتادى. ول اقشاسىن الماققا ارەكەتتەنگەن كەزدە عانا بيلەتىنىڭ جارامسىز ەكەندىگى انىقتالدى.

لوتەرەيا ويناتقان كومپانيانىڭ وكىلدەرى بۇل ورەسكەل قاتەلىك جونىندە رەسمي مالىمدەپ، كەلەڭسىز جاعدايدى تەكسەرۋگە كىرىستى.

ازىرگە ۇتىستى بەرۋ كەيىنگە قالدىرىلىپ وتىر.