ا ق ش- تىڭ مۇناي ءوندىرۋ كورسەتكىشى رەكوردتىق دەڭگەيگە جەتتى
رەكوردتىق كورسەتكىش تۋرالى The Washington Post گازەتى جازدى، دەپ حابارلايدى تاسس اگەنتتىگى.
باسىلىمنىڭ جازۋىنا قاراعاندا ەلدەگى مۇناي ءوندىرۋدىڭ جوعارى كورسەتكىشى تەك 1970 -جىلى تىركەلگەن. سول كەزدە كۇنىنە 10 ميلليون باررەلدەن استام مۇناي وندىرىلگەن.
ءوندىرۋ كولەمىنىڭ ارتۋىنا بيتۋموزدى قاتپارلى وڭدەۋ تەحنولوگياسىنىڭ جەتىلدىرىلۋى سەبەپشى بولعان. «قاتپارلى مۇناي وندىرىسىنەن تابىس تابۋ ءۇشىن الەمدىك مۇناي باعاسى باررەلىنە 55-60 دوللار اراسىندا بولۋى قاجەت، - دەپ جازادى The Washington Post.
- الەمدىك ەكونوميكانىڭ ءوسۋى جانە وپەك ەلدەرىنىڭ مۇناي وندىرۋگە شەكتەۋ قويۋى سالدارىنان مۇناي باعاسى ءوسىپ، باررەلىنە $60-تان استى».
سونداي-اق، بىلتىر 22 -جەلتوقساندا ا ق ش پرەزيدەنتى دونالد ترامپ سالىق رەفورماسىنا قاتىستى زاڭناماعا قول قويدى، بۇل الياسكانىڭ اركتيكالىق قورىعىنداعى مۇناي كەن ورىندارىن يگەرۋگە جول اشادى.
«بىرنەشە جىل بۇرىن ا ق ش- تىڭ تاۋلىگىنە ورتاشا ءوندىرۋ 10 ميلليون باررەلدەن اسىپ كەتۋى مۇمكىن ەمەس كورىنەتىن، - دەيدى The Washington Post. - 2005 -جىلى قىركۇيەكتە كۇنىنە 3,8 ميلليون باررەل، 2008 -جىلدىڭ قىركۇيەگىندە سونشا كولەمدە مۇناي وندىرىلگەن».
«ءىرى قاتپارلى مۇناي كەن ورىندارى تەحاس، مونتانا، سولتۇستىك داكوتا، وكلاحوما، كولورادو، ۆايومينگ، نەبراسكا شتاتىنىڭ ءبىرقاتار اۋداندارىندا ورنالاسقان»، - دەلىنگەن ماقالادا.
گازەتتىڭ اتاپ وتۋىنشە، «ا ق ش- تىڭ مۇنايعا دەگەن تاۋلىكتىك سۇرانىسى 20 ميلليون باررەل شاماسىندا».
