ديماش الەمدىك تۋرنەسى كەزىندە فۋجوۋ قالاسىندا ونەر كورسەتەدى
بۇل تۋرالى ءانشى ينستاگرامداعى پاراقشاسىندا جازدى، دەپ حابارلايدى قازاقپارات.
ەسكە سالا كەتسەك، ديماش العاشقى الەمدىك تۋرنەسى اياسىندا ق ح ر- دا ءجۇر.
بۇعان دەيىن حابارلانعانداي، جاڭا جىلدى قازاقستاندىق ءانشى قىتايدا قارسى الدى.
ەسكە سالا كەتسەك، TC Candler تاۋەلسىز ساراپشىلارى 2017 -جىلداعى ەڭ سىمباتتى دا كورىكتى ادامداردىڭ جۇزدىگىن جاساپ شىعاردى. توپ-100 تىزىمىندە جەرلەسىمىز ديماش قۇدايبەرگەن ەڭ ادەمى ەر ادامدار اراسىندا 76- ورىندا تۇر. ونىڭ ۇستىنە ديماش قۇدايبەرگەن رايان گوسلين (91 -ورىن)، لەوناردو دي كاپريو (87 -ورىن)، دۋەين دجونسون (82 -ورىن)، برەد پيتت (78 -ورىن) سياقتى اتاعى جەر جارعان گولليۆۋد جۇلدىزدارىنان العا شىعىپ كەتتى.
ايتا كەتەرلىگى، ديماش قۇدايبەرگەن «2017 Golden mango melody awards» شاراسىندا «جىلدىڭ ۇزدىك تانىمال ءانشىسى» نوميناتسياسى بويىنشا ماراپاتتالدى.
ءانشى جىلدىڭ باسىندا قىتايدىڭ «Singer 2017» ءان دوداسىندا ەكىنشى ورىن جەڭىپ الىپ، قىتاي جانە باسقادا ەلدەرىندەگى تانىمالدىلىعى ارتا ءتۇستى.
