قازاقستاندىقتار بيىلدان باستاپ تەگىن تىركەلە الادى

استانا. قازاقپارات - 1 -قاڭتاردان باستاپ قازاقستاندا جاڭا سالىق كودەكسى كۇشىنە ەنەدى.

تىڭ وزگەرىستەرگە سايكەس تۇرعىلىقتى مەكەن-جاي بويىنشا تىركەۋگە تۇرۋ ءۇشىن مەملەكەتتىك باجدان ۇستاپ قالۋ قىزمەتى توقتاتىلماق، دەپ حابارلايدى «قازاقپارات»  ح ا ا ءتىلشىسى.

وسى ۋاقىتقا دەيىن بۇل قىزمەتتىڭ باعاسى 227 تەڭگە (0,1 ا ە ك) تۇرعان بولاتىن.

دەسە دە، شەتەلدىك ءتولقۇجات يەلەرى ءۇشىن مەملەكەتتىك باجدىڭ مولشەرى ەكى ەسەگە، ناقتىراق ايتقاندا 4 تەن 8 ا ە ك- كە ارتتى. بۇدان بىلاي ونىڭ باعاسى 19 مىڭ 240 تەڭگە تۇراتىن بولادى.

ەسكە سالا كەتسەك، ق ر پرەزيدەنتى 2017 -جىلدىڭ 25 -جەلتوقسانى كۇنى «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسكە قول قويعان بولاتىن.