11:23, 01 - قاڭتار 2018 | GMT +5
الەمگە ايگىلى فۋتبولشى كينو تۇسىرمەك
استانا. قازاقپارات - كريشتيانۋ رونالدۋ فۋتبولداعى مانسابىن اياقتاعان سوڭ كينو تۇسىرۋمەن اينالىسقىسى كەلەتىنىن ايتتى، دەپ جازادى sport-express.
«مەن فۋتبولدان كەتسەم دە ءوزىم قىزىعاتىن ىستەرمەن اينالىسا بەرگىم كەلەدى. ونىڭ ەڭ باسىندا كينو سالاسى تۇر. كينو ءتۇسىرۋ مەنىڭ بۇرىننان بەرگى ارمانىم»، - دەيدى سپورتشى.
كريشتيانۋ رونالدۋدىڭ بۇل ءسوزى Beinsports.com سايتىندا جاريالاندى.
«قازىر مەندە ءوزىم اشقان مەيرامحانالارىم، جاتتىعۋ زالدارىم بار. سونىمەن قاتار ايگىلى ماركالى سپورتتىق كيىمدەر ساتۋمەن دە اينالىسام. مەن ءوزىمدى بولاشاقتا تابىستى بيزنەسمەن رەتىندە دە ەلەستەتەمىن. فۋتبولدان كەيىنگى ءومىرىم دە كوڭىلدى وتەتىنىنەن ءۇمىتتىمىن»، - دەيدى بەس دۇركىن «التىن دوپ» يەگەرى.
