قازاقستاندا بۇگىننەن باستاپ تەمەكى باعاسى قىمباتتادى

استانا. قازاقپارات -  ەلىمىزدە 2018 -جىلدىڭ 1 - قاڭتارىنان باستاپ تەمەكىنىڭ ەڭ تومەنگى باعاسى 340 تەڭگە تۇراتىن بولدى، دەپ حابارلايدى قازاقپارات.

بىلتىر 25 - قىركۇيەك كۇنى «ق ر 2007 -جىلعى 4 - ساۋىردەگى №260  «فيلترلى تەمەكىنىڭ بولشەك ساۋداداعى مينيمالدى باعاسىن بەكىتۋ تۋرالى» قاۋلىعا قازاقستان رەسپۋبليكاسى ۇكىمەتىنىڭ وزگەرىستەر ەنگىزۋ تۋرالى» №587 قاۋلىسى بەكىتىلدى. اتالعان قۇجاتقا بايلانىستى قازاقستاندا فيلترلى جانە فيلترسىز 20 تال تەمەكىنىڭ، پاپيروستىڭ ەڭ مينيمالدى بولشەكتىك باعاسى بەلگىلەندى.

دەمەك ەڭ ارزان تەمەكى 2018 -جىلدىڭ 1 - قاڭتارىنان 30 - ماۋسىمىنا دەيىن 340 تەڭگە، 1 شىلدەدەن 31 - جەلتوقسانعا دەيىن 360 تەڭگە، ال 2019 -جىلدان باستاپ 380 تەڭگە تۇراتىن بولادى.