قايرات تۇنتەكوۆ قازاقستاندا وتكەن الەمگە تانىمال تالانت- شوۋى جوباسىندا جەڭىمپاز اتاندى

استانا. قازاقپارات- ءانشى قايرات تۇنتەكوۆ I'm a singer Kazakhstan جوباسىنىڭ جەڭىمپازى اتاندى.

بۇل تۋرالى پروديۋسەر الۋا قوناروۆا ءوزىنىڭ الەۋمەتتىك جەلىدەگى پاراقشاسىندا حابارلادى.

«ى'm a singer Kazakhstan مەگا شوۋىنىڭ جەڭىمپازى قايرات تۇنتەكوۆ بولدى. ەكىنشى ورىندى - #DollarWong، ال ءۇشىنشى ورىندى - #جانعاليابيشەۆ الدى»، - دەپ جازادى پروديۋسەر.

ەسكە سالساق، 31 -ارنا الەمگە تانىمال I'm a Singer تالانت- شوۋىنىڭ قازاقستاندىق نۇسقاسىن جاساعان ەدى.

تاعى ءبىر ايتا كەتەتىن جايت، I'm a Singer جوباسىنىڭ قىتايلىق نۇسقاسىندا قازاقستاندىق ءانشى ديماش قۇدايبەرگەن توپ جارىپ، الەمگە تانىلعان بولاتىن.

 باستى سوزدەر: ديماش قۇدايبەرگەن، مادەنيەت، ينتەرنەت، ءبولىسىڭىز:

 

اۆتور: گۇلسايا جاقان