05:32, 01 - قاڭتار 2018 | GMT +6
ەگيپەتتىڭ بۇرىنعى پرەزيدەنتى م. مۋرسي ءۇش جىلعا سوتتالدى
استانا. قازاقپارات - ەگيپەتتە سوت ەلدىڭ بۇرىنعى پرەزيدەنتى مۋحاممەد مۋرسيدى ءۇش جىلعا باس بوستاندىعىنان ايىرۋ تۋرالى ۇكىم شىعاردى. وعان سوت بيلىگىن جابىرلەگەن دەگەن ايىپ تاعىلدى.
ويتكەنى مۋرسي بيلىك باسىنا كەلگەن سوڭ اقپارات قۇرالدارى ارقىلى مەملەكەتتىڭ سوت جۇيەسىن قارالايتىن مالىمدەمە جاساپ وتىرعان. ەكس- پرەزيدەنتپەن بىرگە ونىڭ 18 جاقتاسىنىڭ ءىسى قارالىپ، ولارعا دا وسىنداي ۇكىم شىعارىلدى.
ايتا كەتەيىك، مۋحاممەد مۋرسي 2012 -جىلى وتكەن پرەزيدەنتتىك سايلاۋدا جەڭىسكە جەتىپ، بيلىك باسىنا كەلگەن بولاتىن. ءبىراق 2013 -جىلى كوكتەمدە كايردە نارازىلىق شەرۋلەرى ءوتىپ، اسكەريلەر مۋرسيدى تاقتان ءتۇسىردى. وسىدان كەيىن مۇسىلمان باۋىرلار دەپ اتالاتىن قوزعالىس جەتەكشىلەرى تولىقتاي قاماۋعا الىندى.
