بەيجىڭدە قازاقستاندىق ستۋدەنتتەر كوڭىلدى تاپقىرلار كلۋبى ويىنىن ۇيىمداستىردى

استانا. قازاقپارات - بەيجىڭدە قازاقستاندىق ستۋدەنتتەر قاۋىمداستىعىنىڭ باستاماسىمەن كوڭىلدى تاپقىرلار كلۋبىنىڭ ويىنى ءوتتى. وعان قىتاي استاناسىندا وقىپ جاتقان رەسەي، قىرعىزستان، وزبەكستان جاستارى قاتىستى.

ماقسات -  ستۋدەنتتەر اراسىنداعى دوستىق قارىم- قاتىناستى نىعايتۋ، ءوزارا باس قوسىپ، جاڭا جىل قارساڭىنا ءبىر- بىرىنە مەرەكەلىك كوڭىل كۇي سىيلاۋ.

كوماندالاردىڭ بارلىعى ءبىر- بىرىنەن ەرەكشەلەنۋگە تىرىستى. جاستار بۇگىنگى وزەكتى ماسەلەلەردى ازىلمەن جەتكىزىپ، ستۋدەنتتىك ءومىردىڭ قىزىقتارىن كورسەتتى.

 اسەم ياشيەۆا، قىتاي حالىقارالىق بيزنەس جانە ەكونوميكا ۋنيۆەرسيتەتى ستۋدەنتى:

-  جاڭا جىلدىق كوڭىل كۇي سىيلاۋ ماقساتىندا وسى شاراعا ءبىز ەكى ايدان استام ۋاقىت دايىندالدىق. بۇل مەرەكەگە كوپتەگەن ستۋدەنتتىڭ ەڭبەگى ءسىڭدى.

www.24.kz