شاڭحاي ىنتىماقتاستىق ۇيىمىنىڭ سامميتى ماۋسىمدا چيڭداۋدا وتەدى
بۇل جايلى ت ا س س- قا بەرگەن سۇحباتىندا ۇيىمنىڭ باس حاتشىسى راشيد اليموۆ ايتتى.
«م ب ك وتىرىسى ش ى ۇ- عا ءتوراعالىق ەتۋشى قىتاي تاراپىنىڭ شاقىرۋىمەن ماۋسىمنىڭ باسىندا وتەدى. وعان سەگىز ەل: ءۇندىستان، قازاقستان، قىتاي، قىرعىزستان، پاكىستان، رەسەي، تاجىكستان جانە وزبەكستان قاتىسادى»، - دەدى ول.
باس حاتشىنىڭ سوزىنە قاراعاندا، سامميتتىڭ كۇن ءتارتىبى الداعى ايلاردا ەگجەي- تەگجەيلى ايقىندالادى. «قاۋىپسىزدىك، ەكونوميكا جانە مادەني- گۋمانيتارلىق ىنتىماقتاستىق ماسەلەلەرى سياقتى بارلىق باعىتتار تالقىلانادى»، - دەدى اليموۆ.
باس حاتشى ش ى ۇ- نىڭ وسى جولعى كەشەندى شاراسى ەۋرازيالىق «سەگىزدىك» فورماتىنداعى العاشقى جيىن بولادى.
«ماڭىزدى وقيعاعا دايىندالۋعا استاناداعى سامميتتەن كەيىن بىردەن كىرىسىپ كەتتىك. 40-قا جۋىق شارا وتەدى، سونىڭ ىشىندە العاش رەت ۇيىمداستىرىلىپ جاتقان ايەلدەر فورۋمى مەن ب ا ق فورۋمى ايتۋلى وقيعا بولعالى تۇر»، - دەدى باس حاتشى راشيد اليموۆ.
