تۇمار حانشايىم تۋرالى فيلمگە كىمدەر ءتۇسىپ جاتىر

استانا. قازاقپارات - قازاقستاندىق رەجيسسەر اقان ساتايەۆ ءوزىنىڭ الەۋمەتتىك جەلىدەگى پاراقشاسىندا «تۇمار» تاريحي فيلمىنىڭ كەيبىر كەيىپكەرلەرىنىڭ سۋرەتتەرىن جاريالادى، دەپ حابارلايدى قازاقپارات.

«ءبىزدىڭ «تۇمار» اتتى كارتينامىزدىڭ بىرنەشە كەيىپكەرلەرى: سپارگاپ - @murat_bissenbin ؛ حومان - @erkebulan_dairov ؛ شاكسيوحار - @berik_aitzhanov ؛ كاۆاز - @azamatc؛ قولباسشى اكيباتوۆ - @erden_telemisov» ، - دەپ جازادى رەجيسسەر.

 ايتا كەتەيىك، اقان ساتايەۆ ساقتاردىڭ كوشباسشىسى - تۇمار حانشايىم تۋرالى تاريحي فيلم ءتۇسىرىپ جاتىر. بۇعان دەيىن بىز «قازاق فيلمدە» تۇمار پاتشايىمدى تاڭداۋ قالاي ءجۇرىپ جاتقاندىعى تۋرالى تولىق اقپارات بەرگەن بولاتىنبىز.

فيلم ساق تايپالارى پاتشايىم تۇماردىڭ قولباسشىلعىمەن ۇلى دالانى باسىپ العىسى كەلگەن پارسى پاتشاسى ІІ كيرگە جويقىن تويتارىس بەرگەنى تۋرالى باياندايدى. كىشكەنتاي قىزدان ايبىندى جاۋىنگەرگە اينالعان، جاقىندارىنان ايرىلىپ، ساتقىنداردان ءوشىن العان جانە ساق تايپالارىن ءوز بيلىگى استىندا بىرىكتىرگەن ارۋدىڭ تاعدىرى ايتىلادى. تاريحي كينوتۋىندىنىڭ تۇساۋكەسەرى 2018 -جىلدىڭ جەلتوقسان ايىنا جوسپارلانعان.

كارتينانىڭ باس پروديۋسسەرى ءاليا نازاربايەۆا، قويۋشى رەجيسسەر اقان ساتايەۆ، سسەناري اۆتورلارى ءاليا نازاربايەۆا مەن تيمۋر جاقسىلىقوۆ، كاستينگ- ديرەكتور جاينا ابديەۆا، پروديۋسەرلەر اننا چاكيرتوۆا مەن ءاليا مەڭدىعوجينا.

اۆتور: گۇلسايا جاقان