جاڭا جىلدان باستاپ تەمىرجول بيلەتتەرى قىمباتتايدى

مينيسترلىك حابارلاعانداي، بۇل وزگەرىس تاسىمالداۋشىلاردىڭ شىعىندارىنىڭ ارتۋىمەن بايلانىستى جانە باعىتتاردى ساقتاپ قالۋ ماقساتىندا جاسالىپ وتىر.

وسىلايشا، 38 باعىت بويىنشا بيلەت باعاسى %7  عا، 3 باعىت بويىنشا %3 عا وسەدى. ال 16 باعىتتىڭ بيلەت قۇنىندا وزگەرىس بولمايدى.

«قالا ماڭىنا جۇرەتىن پويىزداردىڭ تاريف ءوسىمى %37  دى قۇرايدى. بۇل قالا ماڭىنداعى پويىزداردا جولاۋشىلاردى تاسىمالداۋداعى بازالىق ستاۆكالاردىڭ ۇلعايۋىنا بايلانىستى. مىسالى، قالا ماڭىنداعى پويىزداردىڭ بۇرىنعى بازالىق باعاسى 100 شاقىرىمىنا 324 تەڭگەنى قۇرادى. ال اۆتوكولىك جولدارىندا 3-4 ەسە جوعارى بولدى. قالا ماڭىنداعى تاسىمال شىعىنىن قىسقارتۋ ماقساتىندا بازالىق ستاۆكا %30 عا ارتىپ، باعاسى 100 شاقىرىمعا 464 تەڭگە بولادى»، - دەپ جازىلعان حابارلامادا.

مينيسترلىكتەگىلەردىڭ سوزىنشە الداعى تۇزەتۋلەر الەۋمەتتىك ماڭىزى بار باعىتتارداعى جولاۋشىلار تاسىمالى تيىمدىلىگىن ارتتىرۋعا مۇمكىندىك بەرەدى.