11:57, 29 - جەلتوقسان 2017 | GMT +5
ەلباسى جاڭا جىلدى قايدا قارسى الاتىنىن ايتتى
استانا. قازاقپارات - پرەزيدەنت «جاڭا جىلدى قايدا قارسى الساڭ، سوندا جۇمىس ىستەيسىڭ» دەگەن ماتەلگە سۇيەنەدى.
قازاقستان پرەزيدەنتى نۇرسۇلتان نازاربايەۆ ەكسپو كونگرەسس ورتالىعىندا قايىرىمدىلىق بالىندا سويلەگەن سوزىندە جاڭا جىلدى قايدا قارسى الاتىنىن ايتتى.
«پرەزيدەنت جاڭا جىلدى قايدا قارسى الادى دەپ سۇراپ جاتادى. كەڭسەمدە. ويتكەنى قايدا قارسى الساڭ، كەلەسى جىلى سوندا جۇمىس ىستەيسىڭ»، - دەپ مەملەكەت باسشىسى ءسوزىن ازىلمەن باستادى.
پرەزيدەنتتىڭ سويلەگەن ءسوزىنىڭ ۆيدەوسىن الەۋمەتتىك جەلىدە عازيزا رايىمبەك جاريالادى.
پرەزيدەنت ومىردەگى ەڭ ماڭىزدى دۇنيەنى ەسكە سالدى.
«دۇرىس ءومىر ءسۇرۋ ءۇشىن، ەلىمىز گۇلدەنىپ، بولاشاقتا ءوزىنىڭ ىزگى ورنىن يەلەنۋى ءۇشىن جۇمىس ىستەيمىز. ەڭ باستىسى - ءبىزدىڭ بىرلىگىمىز، ءوزارا سەنىمىمىز بەن قۇرمەتىمىز جانە ءبىر- بىرىمىزگە قولداۋ كورسەتۋىمىز»، - دەيدى ول.
جاڭا جىلدىق بال 28 -جەلتوقساندا بولدى.
