مۇشەل جاستىڭ سىرلارى قانداي؟

 مۇشەل جاستىڭ ماڭىزدىلىعى نەدە؟ ادامنىڭ ءومىرى بىرنەشە مۇشەلگە بولىنگەن. سونداي- اق، ول جاستىڭ وزىندىك اتاۋلارى دا بار.

12-13 جاس - ەر جەتە باستاۋ؛

 24-25 جاس - جىگىتتىك شاقتىڭ ناق ءوزى؛

 36-37 جاس - اقىرىن باسىپ، انىق ءجۇرىپ، اقىل توقتاتقان كەزەڭ؛

 48-49 جاس - ورتا جاس ؛

 60-61 جاس - ءوز بالاڭنان ءتاتتى بولاتىن نەمەرە ءسۇيۋ؛

 72-73 جاس - قارتتىقتىڭ باسى بولار؛

 84-85 جاس - كارىلىكتىڭ كەلگەنى؛

 96-97 جاس - قالجىراپ، ەشتەڭەگە جاراۋسىز قالعانىڭ؛

 108-109 جاس - شوپشەك ءسۇيۋ؛

وسى مۇشەل جاستارىنىڭ اراسىنداعى ەڭ اۋىرى - 36 مەن 37 جاستىڭ اراسى. بۇل ۋاقىت ارالىعىندا ادام ءوز- ءوزىن جامان ارەكەتتەردەن تىيىپ، ءار ىسىنە اباي بولىپ ءجۇرۋى كەرەك. «وتىزدا وردا بۇزباساڭ، قىرىقتا قامال المايسىڭ» دەپ حالىق دانالىعى وسى ءبىر جاس ارالىعىنىڭ ماڭىزدىلىعىن ايقىنداپ تۇر. مۇشەلدەن مۇشەلگە اۋىسۋ پروتسەسىندە ادامعا قاۋىپ- قاتەر جۋىق بولاتىندىقتان، كەز كەلگەن وقىس وقيعاعا دايىن بولۋى كەرەك. حالقىمىز العاشقى مۇشەلگە دە ەرەكشە ءمان بەرگەن. جارتى مۇشەلدە ەر بالانى سۇندەتكە وتىرعىزىپ، «ون ۇشتە وتاۋ يەسى» دەپ تولىق مۇشەلگە تولعاندا قالىڭدىق دايىنداۋدى دا ويلاستىرعان.

Massaget.kz