ديماشتى جەر- كوككە سىيعىزباي ماقتاعان قايرات نۇرتاس جۇرتتى ءسۇيسىندىردى
كوپشىلىك بۇلبۇل ءانشىنىڭ تەڭەۋىن تەرىس ءتۇسىنىپ، قاتاڭ سىنعا الدى. ەندىگىلەرى بيبىگۇل تولەگەن قىزىنىڭ ورىندى سىن ايتقانىن العا تارتىپ، جاقتادى. ءوز كەزەگىندە قايرات نۇرتاس ءوزىن «جەرگە» تەڭەگەن حالىق ارتيسىنە جاۋاپ تا بەرمەدى، دەپ حابارلايدى Stan.kz.
ەسەسىنە ول ديماشقا دەگەن اقجارما تىلەگى مەن جۇرەكجاردى لەبىزىن ءبىلدىردى.
«"ديماش باۋىرىم، ءاربىر جەتكەن جەتىستىكتەرىڭە، جەڭىستەرىڭە قۋانىشتىمىن. اللانىڭ قالاۋىمەن داۋسىڭنىڭ ەرەكشەلىگى مەن ەڭبەگىڭنىڭ ارقاسىندا، حالىقتىڭ ساعان دەگەن سۇيىسپەنشىلىگى ارتا ءتۇستى. بۇل اتا- اناڭنىڭ ساعان بەرگەن تاربيەسىنىڭ، ءوزىڭنىڭ كىشىپەيىلدىلىگىڭ مەن مادەنيەتىڭنىڭ جوعارى بولعاندىعى دەپ بىلەمىن. ونەرىڭمەن الەمدى باعىندىرا بەر! وسى قالپىڭنان تايما»، - دەپ ءبولىستى قايرات نۇرتاس.
مۇنى كورگەن ينستا- وقىرماندار قۋانىپ قالدى. كوپشىلىك قانشا قيىنشىلىق كورسە دە، ەشكىمنىڭ جاعاسىنان الماعان قايراتتىڭ قاراپايىمدىلىعىنا ءتانتى بولدى.
