اقمولا وبلىسىنداعى اۋداننىڭ ءبىرجان سال اتالۋىنا بايلانىستى ءبىرقاتار شارالار ءوتتى

استانا. قازاقپارات - اقمولا وبلىسىنداعى ەڭبەكشىلدەر اۋدانىنىڭ ءبىرجان سال اتالۋىنا بايلانىستى، ايگىلى دالا ءدۇلدىلىنىڭ قۇرمەتىنە ارنالعان ءبىرقاتار ءىس- شارالار ءوتتى، دەپ حابارلايدى «قازاقپارات» ح ا ا ءتىلشىسى وبلىستىڭ ىشكى ساياسات باسقارماسىنا سىلتەمە جاساپ.

ونىڭ ەڭ اۋقىمدىسى ستەپنياك قالاسىندا وتكەن ۇكىلى ىبىراي اتىنداعى وبلىستىق فيلارمونيا ۇجىمىنىڭ كونسەرتى بولدى.

 سونىمەن قاتار وڭىردە دوڭگەلەك ۇستەلدەر ءوتىپ، مەكتەپتەردە سىنىپ ساعاتتارى ۇيىمداستىرىلدى. كىتاپحانالاردا كونفەرەنسيالار ءوتتى. ءبىرجان سال اتىنداعى كوللەدجدىڭ ونەرپازدارى اقىننىڭ اندەرىن ورىنداپ، فلەش- موب وتكىزدى.

ەستەرىڭىزگە سالا كەتەيىك، ەلباسى جارلىعىمەن اقمولا وبلىسىنىڭ ەڭبەكشىلدەر اۋدانى قايتادان ءبىرجان سال اۋدانى بولىپ اتالعان بولاتىن.