ديماش قۇدايبەرگەن قوس بىردەي ماراپاتقا يە بولدى

استانا. قازاقپارات - قىتايداعى I am a Singer جوباسىنا قاتىسقالى بەرى ديماش قۇدايبەرگەن ماراپات الدى دەسە، تاڭعالمايتىن بولدىق.

الەمدى تاڭداي قاقتىرعان جەرلەسىمىز اي سايىن، ءتىپتى اپتا سايىن مۋزىكا شىڭىن باعىندىرىپ، جۇلدەنىڭ ءتۇر-ءتۇرىن الىپ كەلەدى.

كۇنى كەشە ديماش كەزەكتى جەڭىسى تۋرالى جاريالادى.

"جەڭىس!» Golden mango melody awards"  ماراپاتىندا جىلدىڭ ۇزدىك تانىمال ءانشىسى اتاندىم. وسىنىڭ ءبارى وزدەرىڭىزدىڭ ارقالارىڭىزدا، قۇرمەتتى، تىڭدارمان قاۋىم»، - دەپ ءبولىستى ول.

سونداي-اق، الەمدىك تۋرنەدە جۇرگەن ديماش بىرەر كۇن بۇرىن تاعى ءبىر ماراپاتقا قول جەتكىزدى. قۇدايبەرگەنوۆ قىتايدا «قارقىندى شەبەرلىگى ءۇشىن» جۇلدەسىن جەڭىپ الدى.

«جاڭا ماراپات! جانكۇيەرلەرىمنىڭ ارقاسى. ۇلكەن راحمەت قولداۋلارىڭىزعا. «قارقىندى شەبەرلىگى ءۇشىن»، - دەيدى ديماش.