تالدىقورعاننىڭ اۋە بازاسى ەرەكشە اسكەري ۇشاقتارمەن تولىقتى
مۇنداي تەڭدەسى جوق اسكەري ۇشاقتار بۇگىندە دۇنيەءجۇزى بويىنشا تەك رەسەي مەن قازاقستاننىڭ قارۋلى كۇشتەرىنىڭ قولدانىسىندا. اۋا- رايىنىڭ ءار ءتۇرلى جاعدايىندا اۋەدەگى جانە جەردەگى نىساندارمەن ۇرىس جۇرگىزە الاتىن امبەباپ تەحنيكا ءتۇرلى سىناقتان سۇرىنبەي وتكەن. ساعاتىنا 2500 شاقىرىمعا دەيىن ۇدەتىپ، 19 مىڭ مەتر بيىكتىكتە ۇشا الادى. 2015 -جىلدان بەرى تالدىقورعان اۋە بازاسىنا 6 «س ۋ-30 س م» ۇشاعى كەلدى. بۇگىن تاعى ەكى ۇشاقپەن تولىعىپ، سانى 8-گە جەتتى.
«بۇل ۇشاقتار كوپ فۋنكسيالى، وتە جوعارى مانيەۆرلى. ۇرىستى كەز كەلگەن جەردە، ءارتۇرلى جاعدايدا جۇرگىزە الادى. بىرنەشە قارۋ تۇرىمەن جابدىقتالعان. ءبىر مەزەتتە اۋەدەگى جانە جەردەگى قارسىلاسىمەن ۇرىس جۇرگىزەدى. قولدانۋ مەرزىمى 25 جىلدان جوعارى»، - دەيدى رەسەي ۇشقىشى سەرگەي مانادىشيەۆ.
اۋە كەمەلەرىن رەسەيدىڭ يركۋتسك قالاسىنان تاجىريبەلى ۇشقىشتار جەتكىزدى.
اۆتور: سامال قابىشيەۆا
