ادىلبەك جاقسىبەكوۆ استانانىڭ شەتىندە قالاي باتپاق كەشكەنىن ەسىنە الدى

استانا. قازاقپارات - ق ر پرەزيدەنتىنىڭ تەلەراديوكەشەنى «وسنوۆانيە استانى: پەرەديسلوكاتسيا» اتتى جاڭا دەرەكتى فيلمنىڭ جارىققا شىعاتىنىن جاريالادى، دەپ حابارلايدى «قازاقپارات» ح ا ا ءتىلشىسى.

 دەرەكتى فيلمنىڭ فەيسبۋكتە جاريالانعان شاعىن بولىگىندە كونستيتۋتسيالىق كەڭەستىڭ ءتوراعاسى قايرات ءمامي ەل استاناسىن اۋىستىرۋ كەزىندە يمانعالي تاسماعامبەتوۆپەن (استانانىڭ بۇرىنعى اكىمى، رەسەيدەگى قازاقستاننىڭ ەلشىسى) جانە تولەگەن مۇحامەتجانوۆپەن (بەلگىلى كومپوزيتور، ەكس- دەپۋتات) ءبىر پاتەردە تۇرعانىن ەسكە الدى.

«ايتا كەتەرلىگى، ءبىزدىڭ ءبارىمىز دە ىشپەيتىن ادامدارمىز. الىپ بارا جاتقان كوڭىل كوتەرۋلەر بولمايتىن. شىعارماشىل ەكى اداممەن بىرگە تۇرىپ، جولىم بولدى. تولەگەن مۇحامەتجانوۆ رويالدە وتىرىپ، ءوزى قۇراعان تۋىندىلارىن ورىنداپ وتىراتىن. يمانعالي گيتارادا ءان ايتاتىن. كوپ جاعدايدا مەن تىڭدارمان ەدىم»، - دەيدى قايرات ءمامي فيلمنىڭ اۆتورىنا بەرگەن سۇحباتىندا.

ال ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ نۇرسۇلتان نازاربايەۆتىڭ قالايشا استانانىڭ شەتىندە باتپاق كەشكىزىپ قويعانىن ەسكە الدى.

ايتا كەتكەن ءجون، ادىلبەك جاقسىبەكوۆ 1997-2003 -جىلدار ارالىعىندا استانا قالاسىنىڭ اكىمى بولعان ەدى.

«پرەزيدەنت مەنى جانە ورىنباسارلارىمدى شاقىرىپ الدى. البەتتە، اياعىمىزدا تۋفلي ەدى. ول كيىمىن اۋىستىرىپ الدى دا، ءبارىمىز ميكرواۆتوبۋسقا وتىرىپ تارتىپ كەتتىك. ءبىز ماقتانا بايانداپ كەلە جاتقان ۋاقىتتا كولىكتىڭ ءبىر بۇرىشقا توقتاماسى بار ما. ول بۇرىشتى كورگەندە ءوزىم دە ۇرەيلەنىپ كەتتىم. ول بولسا: «قانەكەي كورەيىك، قىدىرايىق. ءبىزدىڭ ءبارىمىز تۋفليمەن باتپاققا قويىپ كەتتىك. ول ءبىزدى تىڭداي وتىرىپ، تاپسىرمالارىن بەرىپ، قايتا كولىككە وتىرعاننان كەيىن «قالاي؟ جاقسى قىدىردىڭدار ما؟ كەلەسى جولى وسى باتپاقتا جالاڭ اياق جۇرەسىڭدەر» دەدى. ول ءبىزدىڭ وسىلاي تاربيەلەپ ەدى»، - دەيدى ادىلبەك جاقسىبەكوۆ.

اۆتور: ايان بەكەن ۇلى